കേരളത്തിലെ പരാജയം; ഹൈക്കമാന്ഡ് റിപ്പോര്ട്ട് തേടി
ന്യൂഡല്ഹി: നിയമസഭാ തെരഞ്ഞെടുപ്പിലെ കേരളത്തിലെ യുഡിഎഫിന്റെ ദയനീയ തോല്വിയില് ഹൈക്കമാന്ഡ് റിപ്പോര്ട്ട് തേടി. ഒരാഴ്ചക്കുള്ളില് കാരണം വ്യക്തമാക്കണമെന്ന് നിര്ദേശിച്ചു. ഇതിനു പിന്നാലെ തുടര് നടപടി സ്വീകരിക്കുമെന്നാണ് സൂചന. ദേശീയ നിരീക്ഷക സമിതിയും പരാജയ കാരണം വിലയിരുത്തും.
അതേസമയം, കേരളിലുണ്ടായ പരാജയത്തിന് കാരണം കോണ്ഗ്രസ് നേതൃത്വമാണെന്നും പാര്ട്ടിയില് പുനഃസംഘടന വേണമെന്നും കെ.സി. ജോസഫ് ആവശ്യപ്പെട്ടു. രാഷ്ട്രീയ കാര്യ സമിതി ഉടന് വിളിച്ച് ചേര്ക്കണമെന്നും നേതൃത്വം നല്കിയവര്ക്ക് തോല്വിയില് ഉത്തരവാദിത്വമുണ്ടെന്നും ജോസഫ് വ്യക്തമാക്കി.