ഇനി ഓണ്‍ലൈന്‍ റമ്മികളി നിയമവിരുദ്ധം; സര്‍ക്കാര്‍ വിജ്ഞാപനമിറക്കി
27 February 2021 05:31 PM
കൊച്ചി: ഓണ്‍ലൈന്‍ റമ്മികളി നിയമവിരുദ്ധമാക്കി സര്‍ക്കാര്‍ വിജ്ഞാപനം. കേരള ഗെയിമിംഗ് ആക്‌ട് ഭേദഗതി ചെയ്താണ് സര്‍ക്കാര്‍ വിജ്ഞാപനം ഇറക്കിയത്. ഹൈക്കോടതി ഇടപെടലിനെ തുടര്‍ന്നാണ് സര്‍ക്കാര്‍ നടപടി.
ഓണ്‍ലൈന്‍ റമ്മികളിയില്‍ സംസ്ഥാന സര്‍ക്കാരിനോട് 10 ദിവസത്തിനുള്ള നിലപാട് അറിയിക്കണമെന്നും ഹൈക്കോടതി ആവശ്യപ്പെട്ടിരുന്നു, ഇതേ തുടര്‍ന്നാണ് സര്‍ക്കാര്‍ വിജ്ഞാപനം ഇറക്കിയത്.
ഓണ്‍ലൈന്‍ ചൂതാട്ടത്തിനെതിരായ ഹര്‍ജിയില്‍ ചൂതാട്ട ആപ്പുകളുടെ ബ്രാന്‍ഡ് അംബാസഡര്‍മാര്‍ക്ക് ഹൈക്കോടതി നോട്ടീസും അയച്ചിരുന്നു. നിലവില്‍ കേരള ഗെയിമിംഗ് ആക്ടിന് കീഴില്‍ വരുന്നതല്ലായിരുന്നു റമ്മികളി.