വാട്സ്ആപ്പ് സ്റ്റാറ്റസ് വഴി പണം ഉണ്ടാക്കാം; പുതിയ തട്ടിപ്പ്
വാട്സ്ആപ്പ് സ്റ്റാറ്റസ് വഴി പണം ഉണ്ടാക്കാമെന്ന് കഴിഞ്ഞ ദിവസം മുതലാണ് ഒരു ലിങ്ക് സമൂഹ മാധ്യമങ്ങളിലൂടെ പ്രചരിപ്പിച്ചത്. കേരള ഓൺലൈൻ ഡോട്ട് വർക്ക് എന്ന വെബ്സൈറ്റ് വഴി നിങ്ങളുടെ വാട്സ്ആപ്പ് നമ്പർ രജിസ്റ്റർ ചെയ്ത് അതിൽ നിന്നും കിട്ടുന്ന ലിങ്ക് വാട്സ്ആപ്പ് സ്റ്റാറ്റസ് ആക്കുമ്പോൾ 30 പേരിൽ കൂടുതൽ ആൾകാർ കണ്ടാൽ കാശുണ്ടാക്കാം എന്നതായിരുന്നു നിർദ്ദേശം. എന്നാൽ ഇത് തട്ടിപ്പാണെന്ന് സൈബർ വിദഗ്ധർ പറയുന്നത്. അതിന് തെളിവായി അവർ ചില വിവരങ്ങൾ കൂടി ചൂണ്ടി കാട്ടുന്നു.
പരസ്യം കണ്ട് രജിസ്റ്റര് ചെയ്യുന്നവരോട് ഫോണ് നമ്പരും ജില്ലയും തെരഞ്ഞെടുക്കാന് ആവശ്യപ്പെടും. ഒപ്പം കുറച്ച് നിര്ദേശങ്ങളും നല്കും. നിങ്ങളുടെ വാട്സ്ആപ്പ് സ്റ്റാറ്റസുകള്ക്ക് ലഭിക്കുന്ന വ്യൂവിസിന്റെ സ്ക്രീന് ഷോട്ട് ആവശ്യപ്പെട്ടാല് കാണിക്കേണ്ടതാണ്, 30 ല് കുറവ് വ്യൂ ഉള്ള സ്റ്റാറ്റസുകള് പരിഗണിക്കില്ല, ഒരു ദിവസം പരമാവധി 20 സ്റ്റാറ്റസുകള് വരെ ഷെയര് ചെയ്യാവുന്നതാണ്, ഗൂഗിള് പേ, ഫോണ് പേ, പേടിഎം വഴി മാത്രമേ പണം പിന്വലിക്കാനാവൂ, ഓരോ ശനിയാഴ്ചയും പേ ഔട്ട് ഉണ്ടാകും എന്നിങ്ങനെ പോകുന്നു നിര്ദേശങ്ങള്. എന്നാല് ഇത് വന് തട്ടിപ്പാണെന്ന് ഐടി രംഗത്തെ വിദഗ്ധര് അഭിപ്രായപ്പെടുന്നു.
വെബ് സൈറ്റിനെക്കുറിച്ചുള്ള വിവരങ്ങൾ പരിശോധിച്ചുവെങ്കിലും ഡീറ്റെയിൽസ് ഹിഡനാണെന്നും തട്ടിപ്പുകാരാണ് ഇത്തരത്തിൽ വെബ്സൈറ്റ് ക്രിയേറ്റ് ചെയ്യാറുള്ളതെന്നും സൈബർ ക്രൈം പറയുന്നത്. കേരളാ ഓൺലൈൻ വർക്ക് എന്ന വെബ് സൈറ്റിന്റെ ബാക്ക് അഡ്രസ് യൂസ് ചെയ്താണോ തട്ടിപ്പ് നടക്കുന്നതെന്ന് സംശയിക്കുന്നതായും അവർ പറഞ്ഞു. ബാങ്കിംഗ് തട്ടിപ്പുകൾക്കായി ആകാം ഇത്തരത്തിലുള്ള രീതി ഉപയോഗിക്കുന്നത്. രജിസ്റ്റർ ചെയ്തവരോട് മൊബൈൽ നമ്പറും ജില്ലയും മാത്രമാണ് ആവശ്യപെട്ടിരിക്കുന്നത്.