കാനറാ ബാങ്ക് തട്ടിപ്പ്: അന്വേഷണം ക്രൈംബ്രാഞ്ച് ഏറ്റെടുത്തു
പത്തനംതിട്ട: കനറാ ബാങ്ക് പത്തനംതിട്ട ശാഖയില് നിന്ന് ജീവനക്കാരന് വിജീഷ് വര്ഗീസ് 8.13 കോടി തട്ടിപ്പ് നടത്തിയ കേസില് അന്വേഷണം സംസ്ഥാന ക്രൈബ്രാഞ്ച് ഏറ്റെടുത്തു. ക്രൈംബ്രാഞ്ചിന്റെ തിരുവല്ലയിലെ ജില്ലാ യൂണിറ്റിനാണ് അന്വേഷണച്ചുമതല. കേസിന്റെ എഫ്ഐആര് ക്രൈംബ്രാഞ്ച് പത്തനംതിട്ട കോടതിയില് സമര്പ്പിച്ചു. റിമാന്ഡില് കഴിയുന്ന പ്രതി വിജീഷ് വര്ഗീസിനെ കസ്റ്റഡിയില് വിട്ടുകിട്ടാന് ക്രൈംബ്രാഞ്ച് കോടതിയില് ഉടന് അപേക്ഷ നല്കും. പത്തനംതിട്ട പോലീസാണ് ഇതുവരെ കേസ് അന്വേഷിച്ചിരുന്നത്.