പത്തനംതിട്ട കനറാ ബാങ്ക് ശാഖയില്നിന്ന് ക്ലര്ക്ക് 8.13 കോടി തട്ടി
പത്തനംതിട്ട: കനറാ ബാങ്ക് പത്തനംതിട്ട ശാഖയില്നിന്ന് ക്ലര്ക്ക് തട്ടിയെടുത്തത് 8.13 കോടി രൂപയെന്ന് ഓഡിറ്റ് റിപ്പോര്ട്ട്. സിന്ഡിക്കേറ്റ് ബാങ്കും ലയിച്ച കനറാ ബാങ്കിെന്റ പത്തനംതിട്ട അബാന് ജങ്ഷനിലെ ശാഖയിലെ വിമുക്തഭടന് കൂടിയായ ക്ലര്ക്ക് കം കാഷ്യര് കൊല്ലം ആവണീശ്വരം സ്വദേശി വിജീഷ് വര്ഗീസാണ് (36) വിവിധ ഇടപാടുകാരുടെ പണം തട്ടിയെടുത്തത്.
14 മാസത്തിനിടെ 191 ഇടപാടുകളിലൂടെയായിരുന്നു 8,13,64,539 രൂപയുടെ തട്ടിപ്പ്. തട്ടിയ പണവുമായി മുങ്ങിയ ഇയാളെ പിടികൂടാന് കഴിഞ്ഞിട്ടില്ല. ഇയാള് കുടുംബസമേതം കൊച്ചിയിലെ ഫ്ലാറ്റില് താമസിക്കുന്നതറിഞ്ഞ് പത്തനംതിട്ട പൊലീസ് ഏപ്രില് ആദ്യം അവിടെ ചെന്നപ്പോഴേക്കും കടന്നുകളഞ്ഞിരുന്നു. കലൂര് സ്റ്റേഡിയത്തിന് സമീപം ഉപേക്ഷിച്ച വാഹനം പൊലീസ് കസ്റ്റഡിയില് എടുത്തിട്ടുണ്ട്. ഓഡിറ്റ് റിപ്പോര്ട്ടിെന്റ അടിസ്ഥാനത്തില് ക്രമക്കേടുമായി ബന്ധപ്പെട്ട് മാനേജരും അസിസ്റ്റന്റ് മാനേജരും ഉള്പ്പെടെ അഞ്ചുപേരെ സസ്പെന്ഡ് ചെയ്തിട്ടുണ്ട്. കഴിഞ്ഞ ഫെബ്രുവരിയിലാണ് തട്ടിപ്പിനെക്കുറിച്ച് ബാങ്ക് അധികൃതര്ക്ക് വിവരം ലഭിക്കുന്നത്. 10 ലക്ഷം രൂപ നിക്ഷേപിച്ച അക്കൗണ്ടില്നിന്ന് ഉടമ അറിയാതെ പണം പിന്വലിച്ചു. ബാങ്കിെന്റ തുമ്ബമണ്ണിലെ ശാഖയിലെ ജീവനക്കാരെന്റ ഭാര്യയുടെ പേരിലുള്ളതായിരുന്നു ഈ അക്കൗണ്ട്. ഇക്കാര്യം ജീവനക്കാരന് ബാങ്ക് മാനേജരെ അറിയിച്ചു.
വിശദീകരണം ചോദിച്ചപ്പോള് ഇടപാടുകള് കൈകാര്യം ചെയ്തിരുന്ന വിജീഷ് പിഴവ് സംഭവിച്ചതാണെന്ന് മറുപടി നല്കി. ബാങ്കിെന്റ കരുതല് അക്കൗണ്ടിലെ പണം തിരികെ അടച്ച് പരാതി പരിഹരിച്ചു. ഇതിന് പിന്നാലെ ബാങ്ക് നടത്തിയ ഒരുമാസം നീണ്ട വിശദമായ ഓഡിറ്റിലാണ് കോടിക്കണക്കിന് രൂപയുടെ മറ്റ് തട്ടിപ്പുകളും കണ്ടെത്തിയത്. ദീര്ഘകാലത്തെ സ്ഥിരനിക്ഷേപങ്ങളില്നിന്ന് കാലാവധി കഴിഞ്ഞിട്ടും പണം പിന്വലിക്കാത്ത അക്കൗണ്ടുകളില്നിന്നുമാണ് വിജീഷ് വര്ഗീസ് പണം തട്ടിയത്. പണം പിന്വലിക്കാനും അക്കൗണ്ട് പിന്വലിക്കാനും അനുമതി നല്കേണ്ട ഉയര്ന്ന ഉദ്യോഗസ്ഥരുടെ അസാന്നിധ്യത്തില് അവരുടെ കമ്ബ്യൂട്ടര് പാസ്വേഡ് ഉപയോഗിച്ചാണ് വിജീഷ് പണം സ്വന്തം അക്കൗണ്ടുകളിലേക്ക് മാറ്റുകയും ഇടപാടുകള്ക്ക് അംഗീകാരം നല്കുകയും ചെയ്തത്.
തട്ടിപ്പില് വിജീഷിന് മാത്രമേ പങ്കുള്ളൂവെന്നാണ് നിലവിലെ കണ്ടെത്തല്. അതേസമയം, ഇത്രയും വലിയ ക്രമക്കേടുകള് തടയാന് കഴിയാത്തതിെന്റ പേരിലാണ് ബാങ്ക് മാനേജര് അടക്കം അഞ്ച് ജീവനക്കാരെ അധികൃതര് സസ്പെന്ഡ് ചെയ്തത്. ആദ്യ സംഭവത്തിന് പിന്നാലെ തന്നെ വിജീഷ് ഭാര്യക്കും കുട്ടികള്ക്കും ഒപ്പമാണ് മുങ്ങിയത്. വിജീഷിെന്റയും ഭാര്യയുടെയും മൊബൈല് ഫോണുകളും അന്നുമുതല് സ്വിച്ഡ് ഓഫാണ്. നേരത്തേ നേവിയില് ഉദ്യോഗസ്ഥനായിരുന്നു വിജീഷ്. ഉത്തരേന്ത്യയിലും ജോലി ചെയ്തിട്ടുണ്ട്. 2019 ജനുവരിയിലാണ് കനറാ ബാങ്കില് ജോലിയില് പ്രവേശിക്കുന്നത്. കോവിഡും ലോക്ഡൗണും കാരണം ജീവനക്കാരുടെ എണ്ണം കുറച്ച സമയത്താണ് വിജീഷ് ക്രമക്കേട് നടത്തിയതെന്നാണ് അന്വേഷണ സംഘം കണ്ടെത്തിയത്. ഓണ്ലൈന് ചൂതാട്ടമാണ് ഇയാളെ വലിയ തട്ടിപ്പിലേക്ക് നയിച്ചതെന്ന് സംശയിക്കുന്നുണ്ട്.