നാഷണല്‍ മെഡിക്കല്‍ കമ്മീഷന്‍ ബില്‍; ഡോക്ടർമാർ 24 മണിക്കൂര്‍ സമരത്തിലേക്ക്

News Desk

30 July 2019 11:04 AM

തിരുവനന്തപുരം: ഇന്ത്യയിൽ മൂന്നര ലക്ഷം വ്യാജ ഡോക്ടര്‍മാര്‍ക്ക് ലൈസന്‍സ് നല്‍കാനുള്ള തീരുമാനത്തിന് എതിരെ അതിശക്തമായി പ്രതികരിച്ച് കൊണ്ട് ഇന്ത്യന്‍ മെഡിക്കല്‍ അസോസിയേഷന്റെ നേതൃത്വത്തിൽ ബുധനാഴ്ച 24 മണിക്കൂര്‍ ഡോക്ടർമാർ സമരം നടത്തും . അത്യാഹിത വിഭാഗവും, ഇന്റന്‍സീവ് കെയര്‍ യൂണിറ്റും , അടിയന്തിര ശസ്ത്രക്രിയകളും ഒഴിവാക്കി കൊണ്ടാണ് ദേശവ്യാപകമായി സമരം നടത്തുക. ബുധനാഴ്ച രാവിലെ (31/8/2019) 6 മണി മുതൽ വ്യാഴാഴ്ച (1/89 /2019) രാവിലെ 6 മണിവരെയാണ് സമരം. ഭാരതത്തിലെ വിവിധ മേഖലകളില്‍ പ്രവര്‍ത്തിക്കുന്ന ,സര്‍ക്കാര്‍ സ്വകാര്യ മേഖലകളിലെ ഇന്ത്യന്‍ മെഡിക്കല്‍ അസോസിയേഷൻ അംഗങ്ങളായ എല്ലാ ഡോക്ടര്‍മാരും സമരത്തില്‍ പങ്കെടുക്കും.

കഴിഞ്ഞ ദിവസം പാര്‍ലമെന്റില്‍ പാസാക്കിയ നാഷണല്‍ മെഡിക്കല്‍ ബില്ലെനെതിരെ ദേശവ്യാപകമായ പ്രധിഷേധം ആണ് ഉണ്ടായിട്ടുള്ളത്. ഇന്ത്യയിലെ മെഡിക്കല്‍ രംഗം വന്‍പിച്ച കുതിച്ച് ചാട്ടം നടത്തി കൊണ്ടിരിക്കുന്ന അവസരത്തില്‍ ചില സംസ്ഥാനങ്ങളിലെ ഡോക്ടര്‍മാരുടെ ക്ഷാമം പരിഹരിക്കാന്‍ എന്ന വ്യാജേന മൂന്നന്നര ലക്ഷം വ്യാജ ഡോക്ടര്‍മാര്‍ക്ക് ലൈസന്‍സ് നല്‍കുവാനുള്ള തീരുമാനം ഭാരത്തിന്റെ ആരോഗ്യ മേഖലയ്ക്ക് വന്‍ തിരിച്ചടിയാകും.

രാജ്യത്തെ പൊതു ജനാരോഗ്യത്തിന് എതിരെയുള്ള ഈ വെല്ലുവിളിയില്‍ സമൂഹത്തിന്റെ എല്ലാ തുറയിലും ഉള്ളവര്‍ പ്രതികരിക്കണമെന്നും, ഇതിന്റെ അപകടം തിരിച്ചറിഞ്ഞ് കേന്ദ്ര സര്‍ക്കാര്‍ ഇതില്‍ നിന്നും പിന്‍മാറണമെന്നും ഇന്ത്യന്‍ മെഡിക്കല്‍ അസോസിയേഷന്‍ ആവശ്യപ്പെട്ടു.