ധനുവച്ചപുരം എൻഎസ്എസ് കോളേജിൽ എസ്എഫ്ഐ വനിതാ നേതാവിന് എബിവിപി ആക്രമണത്തിൽ പരിക്ക്

News Desk

24 June 2019 02:19 PM

തിരുവനന്തപുരം : ധനുവച്ചപുരം വിടിഎം എൻഎസ്എസ് കോളേജിലെ പ്രവേശനോത്സവത്തിനിടെയുണ്ടായ എബിവിപി എസ്എഫ്ഐ സംഘര്‍ഷത്തില്‍ അഞ്ച് പേര്‍ക്ക് പരിക്ക്. തിരുവനന്തപുരം എസ്എഫ്ഐ മാതൃകം ജില്ലാ കമ്മിറ്റി അംഗം പ്രീജയ്ക്ക് ബിയർ കുപ്പി കൊണ്ടുള്ള അടിയേറ്റ് തലയ്ക്കാണ് പരിക്കേറ്റത്. സംഘർഷത്തിൽ രണ്ട് എബിവിപി പ്രവർത്തകർക്കും രണ്ട് പൊലീസുകാർക്കും പരിക്കേറ്റു.

എബിവിപി നേതാക്കളായ ഗോകുല്‍ ,അശ്വിന്‍ എന്നിവരുടെ നേതൃത്വത്തിലായിരുന്നു ആക്രമണം എന്ന് എസ്എഫ്ഐ നേതാക്കൾ ആരോപിക്കുന്നു. ബിയര്‍ ബോട്ടില്‍ ,കല്ല് എന്നിവ വലിച്ചെറിയുകയായിരുന്നു. ബിയര്‍ ബോട്ടില്‍ പൊട്ടി ചില്ല് തെറിച്ചാണ് പ്രീജയുടെ തലയ്ക്ക് പരിക്കേറ്റിരിക്കുന്നത്. പ്രീജയെ ആശുപത്രിയില്‍ പ്രവേശിപ്പിച്ചിരിക്കുകയാണ്.