തീവ്രവാദ ഭീഷണി; കോയമ്പത്തൂരിൽ എന്‍ഐഎ റെയ്‍ഡ്

Ajith.A

29 August 2019 09:33 AM

കോയമ്പത്തൂർ: കോയമ്പത്തൂരിലെ വീടുകളും ഫ്‌ളാറ്റുകളും കേന്ദ്രീകരിച്ച്‌ എന്‍.ഐ.എയുടെ റെയ്‌ഡ്. ഭീകരവാദബന്ധം സംശയിച്ചാണ് റെയ്‌ഡ്. ശ്രീലങ്കന്‍ സ്‌ഫോടനവുമായി ബന്ധപ്പെട്ട് തമിഴ്‌നാട്ടിലെ ഏഴിടങ്ങളില്‍ എന്‍.ഐ.എ ജൂണ്‍ ആദ്യവാരം റെയ്‌ഡ് നടത്തിയിരുന്നു. അന്നത്തെ പരിശോധനയില്‍ അസ്വാഭാവികമായി ഒന്നും കണ്ടെത്താനായിരുന്നില്ല. അന്ന് റെയ്‌ഡ് നടത്തിയ നാല് വീടുകളിലാണ് റെയ്‌ഡ് നടത്തുന്നത്.

ലങ്കന്‍ സ്‌ഫോടനത്തിന്റെ ഇന്ത്യന്‍ ബന്ധം അന്വേഷിക്കുന്ന എന്‍.ഐ.എ സംഘമാണ് പരിശോധന നടത്തുന്നത്. കോയമ്പത്തൂർ,ഉക്കടം,അമ്ബു നഗര്‍,കുണിയമുത്തൂര്‍ തുടങ്ങിയ സ്ഥലങ്ങളിലെ വീടുകളിലും ഓഫിസുകളിലുമാണ് റെയ്‌ഡ്. പരിശോധന നടക്കുന്ന സ്ഥലങ്ങളില്‍ തമിഴ്നാട് പൊലീസ് ശക്തമായ സുരക്ഷ ഒരുക്കിയിട്ടുണ്ട്.