വിജിലന്സ് റെയ്ഡ്; കെ.എം. ഷാജിയുടെ കണ്ണൂരിലെ വീട്ടില് നിന്നും അരക്കോടി രൂപ പിടിച്ചെടുത്തു
കണ്ണൂര്: കെ.എം. ഷാജി എംഎല്എയുടെ കണ്ണൂരിലെ വീട്ടില് വിജിലന്സ് നടത്തിയ റെയ്ഡില് അരക്കോടി രൂപ പിടിച്ചെടുത്തു. കോഴിക്കോട് വിജിലന്സ് യൂണിറ്റാണ് എംഎല്എയുടെ വീട്ടില് ഇന്ന് പരിശോധന നടത്തിയത്. അനധികൃത സ്വത്ത് സമ്ബാദനക്കേസുമായി ബന്ധപ്പെട്ട് ഷാജിയുടെ കോഴിക്കോട്ടെയും കണ്ണൂര് മണലിലെയും വീടുകളിലായിരുന്നു വിജിലന്സ് റെയ്ഡ്.
ഷാജിക്കെതിരെ ഞായറാഴ്ച വിജിലന്സ് കേസ് രജിസ്റ്റര് ചെയ്തിരുന്നു. പിന്നാലെയാണ് റെയ്ഡ് നടന്നത്. ഷാജിയുടെ സ്വത്ത് സമ്ബാദനത്തില് വരവിനേക്കാള് 166 ശതമാനത്തിന്റെ വര്ധനവുണ്ടായി വിജിലന്സ് നേരത്തെ കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് കേസെടുത്തത്.