മഞ്ചേശ്വരത്ത് എസ്ഡിപിഐ പ്രവർത്തകന് വെട്ടേറ്റു
മഞ്ചേശ്വരം: മഞ്ചേശ്വരത്ത് എസ്ഡിപിഐ പ്രവര്‍ത്തകനെ ബൈക്കിലെത്തിയ മുഖംമൂടി സംഘം വെട്ടിപ്പരിക്കേല്‍പ്പിച്ചു. എസ്ഡിപിഐ പ്രവര്‍ത്തകനായ മിയാപദവ് ലക്ഷംവീട് കോളനിക്ക് സമീപത്തെ ഇബ്രാഹിമിന്റെ മകന്‍ മുഹമ്മദ് ഫൈസലി(25)നാണ് വെട്ടേറ്റത്. കൈക്കും കാലിനും ഗുരുതര പരിക്കേറ്റ ഫൈസലിനെ മംഗളൂരു ഹൈലാന്‍ഡ് ആശുപത്രിയില്‍ തീവ്രപരിചരണ വിഭാഗത്തില്‍ പ്രവേശിപ്പിച്ചു.
ബുധനാഴ്ച്ച രാത്രി 10.30 ഓടെ മീഞ്ച പഞ്ചായത്തിലെ മിയാപദവ് ടൗണിന് സമീപത്തായിരുന്നു ആക്രമണം. ബൈക്കില്‍ വീട്ടിലേക്ക് പോയ മുഹമ്മദിനെ പിന്നാലെ മറ്റൊരു ബൈക്കില്‍ എത്തിയ മൂന്നംഗ സംഘം ആക്രമിക്കുകയായിരുന്നു. ബൈക്ക് ഇടിച്ചു വീഴ്ത്തിയ ശേഷം നിലത്തു വീണ ഫൈസലിനെ കത്തി കൊണ്ടു തുടരെ തുടരെ കുത്തുകയായിരുന്നു. ബഹളം കേട്ട് നാട്ടുകാര്‍ കൂടിയതോടെ അക്രമി സംഘം ഓടി രക്ഷപ്പെട്ടു.
അക്രമത്തില്‍ പരിക്കേറ്റ ഫൈസലിനെ ഉപ്പളയിലെ ആശുപത്രിയില്‍ പ്രവേശിപ്പിച്ചെങ്കിലും നില ഗുരുതരമായതിനാല്‍ പിന്നീട് മംഗളൂരു ഹൈലാന്‍ഡ് ആശുപത്രിയിലേക്ക് മാറ്റുകയായിരുന്നു.
Related News
മലപ്പുറം ജില്ലാ വിഭജനം: എസ്ഡിപിഐ തിരൂര് എംഎല്എക്ക് നിവേദനം നല്കി
വി വി രമേശന് ആവേശത്തോടെ വരവേല്പ്; ഇടതുമുന്നണി മഞ്ചേശ്വരത്ത് തെരഞ്ഞെടുപ്പ് പ്രചാരണം തുടങ്ങി
'വര്ഗീയ പ്രശ്നം വരുമ്പോള് വോട്ടും സീറ്റുമല്ല പ്രധാനം'; രക്തസാക്ഷി അഭിമന്യുവിന്റെ സ്മാരകം മുഖ്യമന്ത്രി നാടിന് സമര്പ്പിച്ചു
കോഴിക്കോട് കൊടുവള്ളിയില് എസ്ഡിപിഐ-എല്ഡിഎഫ് സംഘര്ഷം