മലപ്പുറം ജില്ലാ വിഭജനം: എസ്ഡിപിഐ തിരൂര്‍ എംഎല്‍എക്ക് നിവേദനം നല്‍കി
മലപ്പുറം ജില്ല വിഭജിച്ച്‌ തിരൂര്‍ ആസ്ഥാനമായി പുതിയ ജില്ല രൂപീകരിക്കുക എന്നാവശ്യപെട്ടു കൊണ്ട് എസ് ഡി പി ഐ മലപ്പുറം ജില്ല കമ്മറ്റി നടത്തുന്ന \'സമര മാസം\' കാമ്ബയിന്റെ ഭാഗമായി തിരൂര്‍ നിയോജക മണ്ഡലം എംഎല്‍എ കുറുക്കോളി മൊയ്‌തീന്
എസ് ഡി പി ഐ മലപ്പുറം ജില്ല സെക്രട്ടറി അഡ്വ. കെ സി നസീര്‍ നിവേദനം നല്‍കി. 2010 ലാണ് ജില്ലാ വിഭജനം ആവശ്യപ്പെട്ടുള്ള പ്രക്ഷോഭങ്ങള്‍ക്ക് എസ്ഡിപിഐ തുടക്കം കുറിച്ചത്.
ജില്ലാ ഹര്‍ത്താലടക്കം നിരന്തര പ്രക്ഷോഭങ്ങളുമായി അന്നു മുതല്‍ എസ് ഡി പി ഐ രംഗത്തുണ്ട്. കോവിഡിന്‍്റെ പശ്ചാത്തലത്തില്‍ അവഗണന കൂടുതല്‍ പ്രകടമായ സാഹചര്യത്തില്‍ മുസ്‌ലിം ലീഗടക്കം സകല സംഘടനകളും പാര്‍ട്ടികളും ഈ ആവശ്യം സജീവമായി ഉയര്‍ത്തുന്നത് ശുഭകരമാണ്. നിയമസഭക്കകത്ത് ജില്ലയുടെ വികസന മുരടിപ്പിന് ഏക പരിഹാരമായ ജില്ലാ വിഭജനത്തിനായി ശബ്ദമുയര്‍ത്തണമെന്ന് എസ്ഡിപിഐ നേതാക്കള്‍ എംഎല്‍എയോടാവശ്യപ്പെട്ടു. ആവശ്യം ന്യായമാണെന്നും ജില്ല വിഭജിക്കണമെന്നു തന്നെയാണ് തന്‍്റെയും മുസ്‌ലിം ലീഗിന്‍്റെയും നിലപാടെന്നും എംഎല്‍എ പറഞ്ഞു.
യുഡിഎഫിന് ഭരണമുള്ളപ്പോള്‍ ഇക്കാര്യത്തില്‍ ഒന്നും ചെയ്യാന്‍ സാധിക്കാത്തതിനാലാണ് ലീഗ് ഭരിക്കുന്ന മലപ്പുറം ജില്ലാ പഞ്ചായത്തിന് ഇക്കാര്യം പ്രമേയത്തിലൂടെ എല്‍ഡിഎഫ് സര്‍ക്കാരിനോട് ആവശ്യപ്പെടേണ്ടി വന്നതെന്നും ചര്‍ച്ചക്കിടെ നേതാക്കള്‍ എംഎല്‍എയെ ഓര്‍മ്മിപ്പിച്ചു. ജില്ലാ കമ്മിറ്റി അംഗം അഷ്‌റഫ്‌ പുത്തനത്താണി, തിരൂര്‍ മണ്ഡലം ആക്ടിങ് പ്രസിഡന്റ്‌ ഹംസ അന്നാര, സെക്രെട്ടറി നജീബ് തിരൂര്‍ എന്നിവര്‍ സംബന്ധിച്ചു.
Related News
മലപ്പുറം ജില്ലയില്‍ ഏര്പ്പെടുത്തിയിരുന്ന ട്രിപ്പിള് ലോക്ഡൗണ് പിന്വലിച്ചു
മലപ്പുറത്ത് ഞായറാഴ്ച കടുത്ത നിയന്ത്രണം; അവശ്യ സാധനങ്ങള് വില്ക്കുന്ന കടകള് തുറക്കില്ല
മലപ്പുറത്ത് അവശ്യസാധനങ്ങള്‍ വാങ്ങാന് റേഷന് കാര്ഡ് കരുതണം; ഒപ്പം ഒറ്റ- ഇരട്ട അക്ക നിയന്ത്രണവും