മലപ്പുറത്ത് അവശ്യസാധനങ്ങള്‍ വാങ്ങാന്‍ റേഷന്‍ കാര്‍ഡ് കരുതണം; ഒപ്പം ഒറ്റ- ഇരട്ട അക്ക നിയന്ത്രണവും
മലപ്പുറം: ട്രിപ്പിള്‍ ലോക്ക്ഡൗണിലായ മലപ്പുറത്ത് അവശ്യസാധനങ്ങള്‍ വാങ്ങാനായി റേഷന്‍ കാര്‍ഡ് കൈയ്യില്‍ കരുതണം. തിങ്കള്‍, ബുധന്‍, വെള്ളി ദിവസങ്ങളില്‍ ഒറ്റയക്ക നമ്ബറില്‍ അവസാനിക്കുന്ന റേഷന്‍ കാര്‍ഡുള്ളവര്‍ക്കും, ചൊവ്വ, വ്യഴം, ശനി ദിവസത്തില്‍ ഇരട്ട അക്ക നമ്ബറില്‍ അവസാനിക്കുന്ന റേഷന്‍ കാര്‍ഡുള്ളവര്‍ക്കുമാണ് അവശ്യസാധനങ്ങള്‍ക്കായി പുറത്തിറങ്ങാനുള്ള അനുമതി. റേഷന്‍ കാര്‍ഡില്ലാത്തവര്‍ സത്യവാങ്മൂലം കയ്യിലുണ്ടാകണം.
അവശ്യവസ്തുക്കള്‍ വില്‍ക്കുന്ന കടകള്‍ ഉച്ചയ്ക്ക് രണ്ട് മണിക്ക് അടക്കും. ഹോട്ടലുകള്‍ വൈകുന്നേരം ഏഴ് മണി വരേ പ്രവര്‍ത്തിപ്പിക്കും. എന്നാല്‍ പാര്‍സല്‍ മാത്രം നല്‍കാനാണ് അനുമതി.
ഇതര ജില്ലകളിലേക്ക് ദീര്‍ഘദൂര ചരക്ക് വാഹനങ്ങള്‍ക്ക് മാത്രമാണ് പ്രവേശനം. ഇവയടക്കം 24 മണിക്കൂര്‍ വാഹന പരിശോധനയുണ്ടാവും. ജില്ലാ അതിര്‍ത്തിയിലടക്കം 250 ഓളം പരിശോധന സംഘങ്ങളെയാണ് വിന്യസിച്ചിരിക്കുന്നത്. അനാവശ്യമായ പുറത്തിറങ്ങുന്നവര്‍ക്കെതിരേ നടപടിയുണ്ടാകും. നിലവില്‍ കണ്ടെയ്‌മെന്റ് സോണിലുള്ള തദ്ദേശ സ്ഥാപനങ്ങളില്‍ നിയന്ത്രണം കടുപ്പിക്കും. ക്വാറന്റൈനില്‍ കഴിയുന്നവര്‍ പുറത്തിറങ്ങുന്നത് നിരീക്ഷിക്കാന്‍ വിവിധ സംഘങ്ങളുണ്ട്. നിരീക്ഷണത്തിലുള്ളവര്‍ പിടിക്കപ്പെട്ടാല്‍ കേസ് രജിസ്റ്റര്‍ ചെയ്യും.
പ്രധാന നിര്‍ദേശങ്ങള്‍
1. മെഡിക്കല്‍ എമര്‍ജന്‍സി, വിവാഹം, മരണം അടിയന്തര സാഹചര്യങ്ങളിലല്ലാതെയുള്ള യാത്രകള്‍ അനുവദനീയമല്ല.
2. 10 വയസിന് താഴെയുള്ളവര്‍, 60 വയസിന് മുകളിലുള്ളവര്‍ അടിയന്തിര മെഡിക്കല്‍ ആവശ്യത്തിനല്ലാതെ വീടിന് പുറത്തിറങ്ങാന്‍ പാടുള്ളതല്ല.
3. അവശ്യവസ്തുക്കള്‍ വാങ്ങിക്കുവാന്‍ പോവുന്ന പൊതുജനങ്ങള്‍ നിര്‍ബന്ധമായും കൈയ്യില്‍ റേഷന്‍ കാര്‍ഡ് കരുതണം
4. ജില്ലാ പരിധിയിലെ ഹൈവേയിലൂടെ കടന്നുപോകുന്ന ദീര്‍ഘദൂര യാത്രാവാഹനങ്ങള്‍ ജില്ലയില്‍ നിര്‍ത്താന്‍ പാടുള്ളതല്ല. യാത്രാവേളയില്‍ നിയമാനുസൃത പാസ് കൈവശം സൂക്ഷിക്കണം
5. ചരക്കു വാഹനങ്ങളുടെ ഗതാഗതം അനുവദനീയമാണ്
6. ജീവനക്കാര്‍ അവരുടെ സ്ഥാപന മേധാവി നല്‍കുന്ന ഡ്യൂട്ടി ഓര്‍ഡര്‍, ഐഡി കാര്‍ഡ് എന്നിവ യാത്രാ വേളയില്‍ കൈവശം സൂക്ഷിക്കേണ്ടതാണ്
8. ബാങ്ക്, ഇന്‍ഷൂറന്‍സ് സ്ഥാപനങ്ങള്‍ തിങ്കള്‍, ബുധന്‍, വെള്ളി എന്നീ ദിവസങ്ങളില്‍ രാവിലെ 10.00 മണി മുതല്‍ ഉച്ചക്ക് 01.00 മണി വരെ പ്രവര്‍ത്തിക്കും. ബാങ്കിതര സാമ്ബത്തിക സ്ഥാപനങ്ങള്‍ക്ക് പ്രവര്‍ത്തനാനുമതി ഉണ്ടായിരിക്കുന്നതല്ല.
9. ആശുപത്രികള്‍, മെഡിക്കല്‍ അനുബന്ധ സ്ഥാപനങ്ങള്‍, വ്യവസായങ്ങള്‍, മെഡിക്കല്‍ ലാബ്, ഭക്ഷ്യ- അനുബന്ധ വ്യവസായങ്ങള്‍, മാധ്യമസ്ഥാപനങ്ങള്‍ എന്നിവ കൊവിഡ് മാനദണ്ഡങ്ങള്‍ പാലിച്ച്‌ പ്രവര്‍ത്തിക്കും,
10. പാല്‍, പത്രം, മത്സ്യം, മാംസം എന്നിവ രാവിലെ 08.00 മണിക്കകം വിതരണം
11. റേഷന്‍ കടകള്‍, ഭക്ഷ്യ, അവശ്യവസ്തുക്കളുടെ കച്ചവട സ്ഥാപനങ്ങള്‍ ഉച്ചയ്ക്ക് 02.00 മണി വരെ മാത്രം
12. ഭക്ഷ്യ, അവശ്യവസ്തുക്കളുടെ കച്ചവട സ്ഥാപനങ്ങള്‍ ഹോം ഡെലിവറി
13. ക്വാറന്റൈനില്‍ കഴിയുന്നവര്‍ യാതൊരു കാരണവശാലും പുറത്തിറങ്ങാന്‍ പാടുള്ളതല്ല
14. പച്ചക്കറി മൊത്തവിതരണ കേന്ദ്രങ്ങള്‍ പുലര്‍ച്ചെ 03.00 മണി മുതല്‍ രാവിലെ 07.00 മണി വരെ
15. പൊതു ഇടങ്ങള്‍ തദ്ദേശ സ്വയം ഭരണ സ്ഥാപനങ്ങള്‍ അണുവിമുക്തമാക്കേണ്ടതാണ്
Related News
ലോക്ക്ഡൗൺ ഇളവുകൾ പ്രഖ്യാപിച്ച് മന്ത്രി വീണ ജോർജ്
സംസ്ഥാനത്ത് ഇന്ന് വാരാന്ത്യ ലോക്ക്ഡൗണ്
ഞായറാഴ്ച ക്രിസ്ത്യന് പള്ളികളില് പ്രാര്ഥനക്ക് കൂടുതല് ഇളവില്ലെന്ന് സര്ക്കാര്
തമിഴ്നാട്ടില് ലോക്ക്ഡൗണ് ജൂലൈ 5 വരെ നീട്ടി