ജെ.എന്.യു പാർലമെന്റ് മാർച്ച്; യൂണിയന് പ്രസിഡന്റടക്കം 50 വിദ്യാര്ഥികള് പോലീസ് കസ്റ്റഡിയില്; ക്യാമ്പസിൽ നിരോധനാജ്ഞ
ന്യൂഡല്ഹി: ഫീസ് വര്ധനവ് പിന്വലിക്കണമെന്നാവശ്യപ്പെട്ട് ജെ.എന്.യു വിദ്യാര്ഥികള് നടത്തിയ പാര്ലമെന്റ് മാര്ച്ചില് സംഘര്ഷം. പ്രധാന ഗേറ്റ് കടന്ന് വിദ്യാര്ത്ഥികള് നടത്തിയ മാര്ച്ച് പൊലീസ് തടഞ്ഞു. ബാരിക്കേഡുകള് തകര്ത്ത് മുന്നോട്ട് വരാന് ശ്രമിച്ച വിദ്യാര്ത്ഥികളും പൊലീസും തമ്മില് ഉന്തും തള്ളും ഉണ്ടായി. ഇതിന് ശേഷമാണ് വിദ്യാര്ഥികളെ പോലീസ് അറസ്റ്റ് ചെയ്തത്.
വിദ്യാര്ഥി യൂണിയന് പ്രസിഡന്റ് ഐഷി ഘോഷ്, എസ്.എഫ്.ഐ കേന്ദ്ര കമ്മറ്റി അംഗം നിതീഷ് നാരായണന് എന്നിവരുള്പ്പടെ അമ്പതില് കൂടുതല് വിദ്യാര്ഥികളെ പോലീസ് അറസ്റ്റ് ചെയ്ത് നീക്കി. ഇവരെ പോലീസ് തല്ലിച്ചതച്ചതായി വിദ്യാര്ഥികള് ആരോപിച്ചു. പെണ്കുട്ടികളെ അടക്കം വലിച്ച് ഇഴച്ചാണ് പൊലീസ് കൊണ്ടുപോയത്. ക്യാമ്പസില് നിരോധനാജ്ഞ പുറപ്പെടുവിച്ചു.