കോവിഡ് 19; വര്‍ക്ക് ഫ്രം ഫോം സംവിധാനവുമായി ഇന്‍ഫോ പാര്‍ക്ക്

News Desk

11 March 2020 02:04 PM

കൊച്ചി: കൊറോണ വൈറസ് സ്ഥിരീകരിച്ചതോടെ കനത്ത ജാഗ്രതയിലാണ് ഐടി ലോകവും. കൊറോണ പടര്‍ന്നു പിടിക്കന്ന സാഹചര്യത്തില്‍ ജീവനക്കാര്‍ക്ക് വര്‍ക്ക് ഫ്രം ഫോം സംവിധാനമൊരുക്കുകയാണ് ഇന്‍ഫോ പാര്‍ക്ക്. പ്രതിരോധ പ്രവര്‍ത്തനത്തിന്റെ ഭാഗമായി ചൊവ്വാഴ്ച മുതല്‍ സ്ഥാപനത്തിലെ പഞ്ചിങ്ങ് നിര്‍ത്തിവെച്ചിരുന്നു. കൂടാതെ, പത്തനംതിട്ടയില്‍ നിന്നുള്ള ജീവനക്കാര്‍ക്ക് വര്‍ക്ക് ഫ്രം ഹോം സൗകര്യവും നല്‍കുന്നുണ്ട്.ഇന്‍ഫോ പാര്‍ക്കിനുള്ളിലെ ഓരോ സ്ഥാപനങ്ങളും അവരുടേതായ ക്രമീകരണങ്ങള്‍ നടത്തിയിട്ടുണ്ട്. സ്ഥാപനത്തിലേക്ക് പ്രവേശിക്കുമ്പോള്‍ ഹാന്റ് സാനിറ്റൈസേഴ്‌സ് ഉപയോഗിക്കാനും നിര്‍ദേശം നല്‍കിയിട്ടുള്ളതായി ഇന്‍ഫോ പാര്‍ക്ക് അധികൃതര്‍ വ്യക്തമാക്കി.

തിരുവനന്തപുരത്തും പല സ്വകാര്യ കമ്പനികൾ ഉൾപ്പെടെ ബയോമെട്രിക് പഞ്ചിങ് സംവിധാനം നിർത്തലാക്കിയിട്ടുണ്ട്.