കർണാടകയിൽ മൂന്ന്‌ ദിവസത്തേക്ക്‌ നിരോധനാജ്ഞ; രാമചന്ദ്രഗുഹ അറസ്റ്റിൽ
ബംഗളൂരു: പൗരത്വ ഭേദഗതി നിയമത്തിനെതിരെ ശക്‌തമായ പ്രതിഷേധം ഉയർന്നതോടെ കർണാടകയിൽ ബംഗളൂരു ഉൾപ്പെടെ പ്രധാന സ്ഥലങ്ങളിൽ ശനിയാഴ്ച അർധരാത്രിവരെ നിരോധനാജ്ഞ പ്രഖ്യാപിച്ചതായി പൊലീസ്‌ അറിയിച്ചു. പ്രമുഖ ചരിത്രകാരനും ആക്‌റ്റിവിസ്‌റ്റുമായ രാമചന്ദ്രഗുഹയെ ബംഗഴുരുവിൽ പൊലീസ്‌ അറസ്‌റ്റ്‌ ചെയ്‌തു. ഇന്ന്‌ രാവിലെ 11ന് മൈസൂർ ബാങ്ക് സർക്കിളിൽ ഇടതുപാർടികളുടെ സംയുക്ത പ്രതിഷേധം ആരംഭിച്ചയുടനെയാണ്‌ പൊലീസ്‌ അറസ്‌റ്റ്‌ ചെയ്‌തത്‌.
തെലുങ്കാനയിലും പ്രതിഷേധ പരിപാടികൾ പുരോഗമിക്കുകയാണ്നി. നിരോധനം ലംഘിച്ച്‌ തെരുവിൽ പ്രകടനമായിറങ്ങിയ നൂറോളം വിദ്യാർഥികളെ തെലങ്കാന പൊലീസ്‌ കസ്‌റ്റഡിയിലെടുത്തു. പൗരത്വ ഭേദഗതി നിയമത്തിൽ പ്രതിഷേധിച്ച്‌ സംസ്ഥാനത്ത്‌ വിവിധയിടങ്ങളിൽ സംഘർഷം ഉണ്ടാകാൻ സാധ്യതയുള്ളതിനാലാണ്‌ നിരോധനാജ്ഞ. വ്യാഴാഴ്ച രാവിലെ ആറുമുതൽ ശനിയാഴ്ച അർധരാത്രിവരെയാണ്‌ നിരോധനം. സംഘം ചേർന്നുള്ള പ്രതിഷേധങ്ങളോ റാലിയോ അനുവദിക്കില്ലെന്നും പൊതുജനങ്ങളെ സംരക്ഷിക്കാനാണിത്‌–- ബംഗളൂരു പൊലീസ്‌ കമീഷണർ ഭാസ്കർ റാവു പറഞ്ഞു. സാമുദായിക സംഘർഷത്തിന്‌ സാക്ഷിയായിട്ടുള്ള ദക്ഷിണ കന്നഡ ജില്ലയിലെ തീരദേശ നഗരമായ മംഗളൂരുവിൽ ബുധനാഴ്ച തന്നെ വിലക്ക് ഏർപ്പെടുത്തിയിരുന്നു.
Related News
ഹോട്ടലുകളും ജിമ്മുകളും തുറക്കാം,ഇളവുകള് പ്രഖ്യാപിച്ച് കര്ണാടക
ബി.ജെ.പി കേന്ദ്ര നേതൃത്വം ആവശ്യപ്പെട്ടാല് സ്ഥാനമൊഴിയും :കര്ണാടക മുഖ്യമന്തി
കോവിഡിന് ശമനമില്ല; കര്ണാകടയില് ലോക്ഡൗണ് ജൂണ് ഏഴുവരെ നീട്ടി
സംസ്ഥാനത്ത്‌ ഇന്നും മഴ തുടരും; മത്സ്യത്തൊഴിലാളികൾക്ക് ജാഗ്രതാ നിർദ്ദേശം