ബി.ജെ.പി കേന്ദ്ര നേതൃത്വം ആവശ്യപ്പെട്ടാല് സ്ഥാനമൊഴിയും :കര്ണാടക മുഖ്യമന്തി
ബംഗളുരു: ബി.ജെ.പി കേന്ദ്ര നേതൃത്വം ആവശ്യപ്പെട്ടാല് സ്ഥാനമൊഴിയുമെന്ന് പ്രഖ്യാപിച്ച് കര്ണാടക മുഖ്യമന്തി ബി.എസ് യെദ്യൂരപ്പ. അടുത്തിടെയായി സംസ്ഥാനത്ത് നേതൃമാറ്റം സംബന്ധിച്ച അഭ്യൂഹങ്ങള് ഉയരുന്നുണ്ട്. എന്നാല് യെദ്യൂരപ്പ ഇതേക്കുറിച്ച് ഇതുവരെ മൗനം പാലിക്കുകയായിരുന്നു.ബി.ജെ.പി വൈസ് പ്രസിഡന്റും മകന് ബി.വൈ വിജയേന്ദ്രയും ദേശീയ അധ്യക്ഷന് ജെ.പി നഡ്ഢയുമായി കൂടിക്കാഴ്ച നടത്തിയതിന്റെ പിറ്റേന്നാണ് ബി.എസ് യെദ്യൂരപ്പയുടെ വെളിപ്പെടുത്തല് .
‘ദേശീയ നേതൃത്വത്തിന് തന്നില് വിശ്വാസമുള്ളിടത്തോളം കാലം താന് ഈ പോസ്റ്റില് തുടരും. എന്നാല് പുറത്തുപോകാന് പറയുന്ന ആ നിമിഷം ഞാന് രാജിവെച്ച് സംസ്ഥാനത്തിന്റെ ക്ഷേമത്തിനു വേണ്ടിയുള്ള പ്രവര്ത്തനങ്ങളില് മുഴുകും. എന്റെ നിലപാട് വ്യക്തമാണ്. അവര് എനിക്ക് ഒരു അവസരം തന്നു. അത് പരമാവധി നല്ല രീതിയില് പ്രയോജനപ്പെടുത്താന് ശ്രമിക്കുകയാണ് ഞാന്. മറ്റെല്ലാം ദേശീയ നേതൃത്വത്തിന്റെ കൈകളിലാണ്.’ – സ്ഥാനഭ്രഷ്ടനാക്കാനുള്ള നീക്കത്തോടുള്ള മാധ്യമ പ്രവര്ത്തകരുടെ ചോദ്യത്തിന് യെദ്യൂരപ്പ മറുപടി നല്കി .
മുഖ്യമന്ത്രിയെ സ്ഥാനഭ്രഷ്ടനാക്കാന് മന്ത്രി സി.പി യോഗേശ്വരയും ചില എം.എല്.എമാരും നടത്തുന്ന നീക്കങ്ങളെക്കുറിച്ചുള്ള ചോദ്യങ്ങളോട് അദ്ദേഹം മറുപടി നല്കിയില്ല .