തദ്ദേശ തെരഞ്ഞെടുപ്പ്: 17ന് ആകെ 121 നാമനിർദേശ പത്രികകൾ സമർപ്പിച്ചു

News Desk

18 November 2025 05:05 PM

തദ്ദേശ സ്വയംഭരണ തെരഞ്ഞെടുപ്പിനായി കണ്ണൂർ ജില്ലയിൽ നവംബർ 17ന് ആകെ 121 നാമനിർദ്ദേശ പത്രികകൾ സമർപ്പിച്ചു. കണ്ണൂർ ജില്ലാ പഞ്ചായത്തിൽ 57, ഗ്രാമപഞ്ചായത്തുകളിൽ 60, തളിപ്പറമ്പ്, ശ്രീകണ്ഠാപുരം നഗരസഭകളിലായി ആകെ മൂന്ന്, കണ്ണൂർ കോർപ്പറേഷനിൽ ഒന്ന് വീതം നാമനിർദ്ദേശ പത്രികകളാണ് വരണാധികാരി/ ഉപവരണാധികാരികൾ മുമ്പാകെ നൽകിയത്.

നവംബർ 21 വരെ നാമനിർദേശ പത്രിക സമർപ്പിക്കാം. പ്രവൃത്തി ദിവസങ്ങളിൽ രാവിലെ 11നും വൈകിട്ട് മൂന്നിനും ഇടയിലാണ് പത്രിക സമർപ്പിക്കേണ്ടത്. നാമനിർദേശ പത്രികകളുടെ സൂക്ഷ്മപരിശോധന നവംബർ 22ന് നടത്തും. സ്ഥാനാർഥിത്വം പിൻവലിക്കാനുള്ള അവസാന തീയ്യതി നവംബർ 24 ആണ്.