കെ.ടെറ്റ്: തീയതി നീട്ടി
കെ.ടെറ്റ് ഒക്ടോബർ 2023 പരീക്ഷയ്ക്കായി അപേക്ഷിച്ചവരിൽ നോട്ടിഫിക്കേഷൻ പ്രകാരം അപേക്ഷ സമർപ്പിക്കുന്നതിനുള്ള അവസാന തീയതി നവംബർ 20 വൈകിട്ട് അഞ്ചുവരെ നീട്ടി. അപേക്ഷ സമർപ്പിച്ചതിൽ തെറ്റ് സംഭവിച്ചിട്ടുള്ളവർക്ക് അത് തിരുത്താനുള്ള അവസരം നവംബർ 17 മുതൽ 20 വൈകിട്ട് അഞ്ചുവരെ ktet.kerala.gov.in ലെ CANDIDATE LOGIN ൽ ലഭ്യമാകും.
നിർദിഷ്ട മാതൃകയിലുള്ള ഫോട്ടോ ഉൾപ്പെടുത്തുന്നത് കൂടാതെ അപേക്ഷയിൽ നൽകിയിട്ടുള്ള ലാംഗ്വേജ്, ഓപ്ഷണൽ സബ്ജക്ടുകൾ, വിദ്യാഭ്യാസ ജില്ല, അപേക്ഷാർഥിയുടെ പേര്, രക്ഷകർത്താവിന്റെ പേര്, ജെൻഡർ, ജനനതീയതി എന്നിവയും തിരുത്താം.
കുടിശിക അടയ്ക്കാൻ അവസരം
അംശദായ കുടിശിക വരുത്തി രണ്ടിലധികം തവണ അംഗത്വം നഷ്ടമാക്കിയ തിരുവനന്തപുരം ജില്ലയിലെ തയ്യൽ തൊഴിലാളി ക്ഷേമനിധിയിലെ 60 വയസ് പൂർത്തിയായിട്ടില്ലാത്ത തൊഴിലാളികൾക്ക് നവംബർ 30 വരെ ഓഫീസിൽ നേരിട്ടെത്തി 10 വർഷം വരെയുള്ള കുടിശിക തീർത്തു അംഗത്വം പുനഃസ്ഥാപിക്കാമെന്ന് ജില്ലാ എക്സിക്യൂട്ടീവ് ഓഫീസർ അറിയിച്ചു. കൂടുതൽ വിവരങ്ങൾക്ക്: 0471 2556895