കൊടകര കുഴല്‍പ്പണക്കേസ്: പാര്‍ട്ടിക്കെതിരെ ആസൂത്രിതമായി കള്ളപ്രചരണം നടത്തുന്നുവെന്ന് കെ. സുരേന്ദ്രന്‍

Ajith.A

03 June 2021 11:52 AM

കോഴിക്കോട്: കുഴല്‍പ്പണക്കേസുമായി ബി.ജെ.പിക്ക് യാതൊരു ബന്ധവുമില്ലെന്ന് പ്രസിഡന്‍റ് കെ. സുരേന്ദ്രന്‍. ബന്ധമുണ്ടെങ്കില്‍ പിന്നെ എന്തിനാണ് പാര്‍ട്ടി കേസ് കൊടുക്കുന്നതെന്നും സുരേന്ദ്രന്‍ ചോദിച്ചു. പാര്‍ട്ടിക്കെതിരെ ആസൂത്രിതമായി കള്ളപ്രചരണം നടത്തുകയാണ്. ഇതിന്‍റെ പേരില്‍ പുകമറ സൃഷ്ടിക്കാനാണ് ശ്രമമെന്നും അദ്ദേഹം പറഞ്ഞു.

കേസുമായി ബന്ധപ്പെട്ട എല്ലാ ആരോപണങ്ങളും നിഷേധിച്ച കെ. സുരേന്ദ്രന്‍ കേസില്‍ നുണ പ്രചരണം നടത്തുന്നത് സി.പി.എം ആണെന്നും ആരോപിച്ചു. ബി.ജെ.പിക്ക് കേസില്‍ ഒരു ബന്ധവുമില്ലെന്നും പൊലീസിന്‍റെ അന്വേഷണവുമായി സഹകരിക്കാന്‍ തയാറാകുന്നത് അതിനാലാണെന്നുന്നും കെ. സുരേന്ദ്രന്‍ പറഞ്ഞു.

പൊലീസിന് അധികാരമില്ലാത്ത കാര്യങ്ങളാണ് ഇപ്പോള്‍ ചെയ്തുകൊണ്ടിരിക്കുന്നത്. നേതാക്കളെ ചോദ്യം ചെയ്തപ്പോള്‍ ബി.ജെ.പി ഒരു പ്രശ്നവും ഉണ്ടാക്കിയില്ലെന്നും കെ. സുരേന്ദ്രന്‍ പറഞ്ഞു.