ഹെല്മറ്റില്ലാതെ ട്രക്ക് ഓടിച്ചെന്നാരോപിച്ച് ആയിരംരൂപ പിഴ; വിചിത്രമായ കുറ്റത്തിന് പിഴയടച്ച് ഡ്രൈവര്
ഭുവനേശ്വര്: ഹെല്മറ്റില്ലാതെ ട്രക്ക് ഓടിച്ചെന്നാരോപിച്ച് ഡ്രൈവര്ക്ക് ആയിരംരൂപ പിഴയിട്ട് മോട്ടോര് വാഹന വകുപ്പ്. ഒഡിഷയിലെ ഗഞ്ചാമിലാണ് സംഭവം. പ്രമോദ് കുമാര് സ്വയിനെന്ന ട്രെക്ക് ഡ്രൈവര്ക്കാണ് വിചിത്രമായ കുറ്റമാരോപിച്ച് പിഴ അടയ്ക്കേണ്ടി വന്നത്. മൂന്ന് വര്ഷത്തോളമായി കുടിവെള്ളം വിതരണം ചെയ്യുന്ന ട്രെക്കാണ് പ്രമോദ് കുമാര് സ്വയിന് ഓടിക്കുന്നത്.
ബുധനാഴ്ചയാണ് പ്രമോദ് കുമാര് സ്വയിന് ആര്ടിഓഫീസിലെത്തിയത്. വെള്ളം വിതരണം ചെയ്യാനുള്ള പെര്മിറ്റ് പുതുക്കുന്നതിന് വേണ്ടിയായിരുന്നു ഇത്. ഈ സമയത്താണ് പിഴത്തുക അടയ്ക്കാനുണ്ടെന്ന് ആര്ടി ഓഫീസില് നിന്ന് അറിയിക്കുന്നത്. വിശദമായി ചോദിച്ച് പിഴയടക്കേണ്ടി വന്ന തെറ്റെന്താണെന്ന് പരിശോധിക്കുമ്ബോഴാണ് ഹെല്മറ്റ് ഉപയോഗിക്കാതെ ട്രക്ക് ഓടിച്ചതിനാണ് പിഴയെന്ന് അറിയുന്നത്.
പ്രമോദ് കുമാറിന്റെ ട്രെക്കിന്റെ രജിസ്ട്രേഷന് നമ്ബറിലുള്ള ചെല്ലാനിലായിരുന്നു തെറ്റെന്താണെന്ന് വിശദമാക്കിയിരുന്നത്. താന് ട്രക്കാണ് ഉപയോഗിക്കുന്നതെന്ന് വാദിച്ചെങ്കിലും പ്രമോദ് കുമാറിന്റെ കേള്ക്കാന് ഉദ്യോഗസ്ഥര് തയ്യാറായില്ല. പിഴയൊടുക്കാതെ പെര്മിറ്റ് നല്കില്ലെന്ന് തീര്ത്തുപറയുക കൂടി ചെയ്തതോടെ പ്രമോദ് കുമാര് ആയിരം രൂപ പിഴത്തുക അടയ്ക്കുകയായിരുന്നു. പല വിധത്തില് ഉദ്യോഗസ്ഥര് സാധാരണക്കാരില് നിന്ന് പണം പിടിച്ചെടുക്കുകയാണെന്നാണ് പ്രമോദ് കുമാറിന്റെ പരാതി.