ജില്ലയിൽ സമ്മതിദായകർ 27.7 ലക്ഷം; വോട്ടർ പട്ടികയിൽ ഇനിയും പേരു ചേർക്കാം
നിയമസഭാ തെരഞ്ഞെടുപ്പിൽ ജില്ലയിൽ വോട്ടവകാശം വിനിയോഗിക്കുന്നത് 27,69,272 സമ്മതിദായകർ. 2021 ജനുവരി 20നു തെരഞ്ഞെടുപ്പ് കമ്മിഷൻ പ്രസിദ്ധീകരിച്ച വോട്ടർപട്ടിക പ്രകാരമാണിത്. ആകെ വോട്ടർമാരിൽ 13,15,905 പേർ പുരുഷന്മാരും 14,53,310 പേർ വനിതകളും 57 പേർ ട്രാൻസ്ജെൻഡേഴ്സുമാണ്. 14 നിയമസഭാ മണ്ഡലങ്ങളാണു ജില്ലയിലുള്ളത്. ഇതിൽ വർക്കല മണ്ഡലത്തിൽ 85,078 പുരുഷന്മാരും 98,778 സ്ത്രീകളുമടക്കം 1,83,856 സമ്മതിദായകരുണ്ട്. ആറ്റിങ്ങലിൽ 90,771 പുരുഷന്മാരും 1,08,263 സ്ത്രീകളും രണ്ടു ട്രാൻസ്ജെൻഡേഴ്സുമടക്കം 1,99,036 സമ്മതിദായകരാണുള്ളത്.
\n
\nജില്ലയിലെ മറ്റു നിയമസഭാ മണ്ഡലങ്ങളിലെ വോട്ടർമാരുടെ എണ്ണം ഇങ്ങനെ: (മണ്ഡലത്തിന്റെ പേര് : പുരുഷന്മാർ - സ്ത്രീകൾ ട്രാൻസ്ജെൻഡേഴ്സ് - ആകെ എന്ന ക്രമത്തിൽ)
\nചിറയിൻകീഴ് : 89,494 - 1,06,645 - 3 - 1,96,142, നെടുമങ്ങാട് : 96,472 - 1,06,755 - 2 - 2,03,229, വാമനപുരം : 92,265 - 1,04,859 - 3 - 1,97,127, കഴക്കൂട്ടം : 90,957 - 98,974 - 1 - 1,89,932, വട്ടിയൂർക്കാവ് : 97,206 - 1,06,598 - 7 - 2,03,811, തിരുവനന്തപുരം : 97,179 - 1,03,079 - 23 - 2,00,281, നേമം : 97,106 - 1,03,392 - 7 - 2,00,505, അരുവിക്കര : 89,800 - 1,00,061 - 1 - 1,89,862, പാറശാല : 1,03,623 - 1,12,072 - 0 - 2,15,695, കാട്ടാക്കട : 91,740 - 99,755- 4 - 1,91,499, കോവളം : 1,05,175 - 1,09,825 - 2 - 2,15,002, നെയ്യാറ്റിൻകര : 89,039 - 94,254 - 2 - 1,83,295
\n
\nwww.nsvp.in വഴി വോട്ടർ പട്ടികയിൽ പേരുണ്ടോയെന്നു പരിശോധിക്കാം. വോട്ടർ പട്ടികയിൽ പേരുണ്ടോയെന്ന് സമ്മതിദായകർ ഈ പോർട്ടൽ പരിശോധിച്ച് ഉറപ്പാക്കണമെന്നും കളക്ടർ അഭ്യർഥിച്ചു.