നിയമസഭ തിരഞ്ഞെടുപ്പില് ട്വന്റി ട്വന്റിയും വി ഫോര് കേരളയും സഖ്യത്തിനില്ല: വി ഫോര് കേരളക്ക് സാമ്പത്തിക ശേഷി ഇല്ലാത്തത് കൊണ്ടാണ് ട്വന്റി ട്വന്റി സഖ്യത്തിന് തയ്യറാകാതിരുന്നതെന്ന് വി ഫോര് നേതാവ് നിപുണ് ചെറിയാന്
കൊച്ചി: നിയമസഭ തിരഞ്ഞെടുപ്പില് ട്വന്റി ട്വന്റിയും വി ഫോര് കേരളയും സഖ്യത്തിനില്ല. നിഷ്പക്ഷ വോട്ടുകളുടെ ഭിന്നിപ്പ് ഒഴിവാക്കുന്നതിനുള്ള കൂട്ടുകെട്ടിനായി താല്പര്യം അറിയിച്ചെങ്കിലും ട്വന്റി ട്വന്റി അംഗീകരിച്ചില്ലെന്ന് വി ഫോര് കേരള പറഞ്ഞു. വി ഫോര് കേരളക്ക് സാമ്ബത്തിക ശേഷി ഇല്ലാത്തത് കൊണ്ടാണ് ട്വന്റി ട്വന്റി സഖ്യത്തിന് തയ്യറാകാതിരുന്നതെന്ന് വി ഫോര് നേതാവ് നിപുണ് ചെറിയാന് പ്രതികരിച്ചു.
തദ്ദേശ തിരഞ്ഞെടുപ്പില് മികച്ച പ്രകടനം കാഴ്ചവെച്ച ട്വന്റി ട്വന്റിയും, വി ഫോര് കേരളയും നിയമസഭ തിരഞ്ഞെടുപ്പിന് തയ്യാറെടുത്തു കഴിഞ്ഞു. ട്വന്റി ട്വന്റി എറണാകുളം ജില്ലയില് എട്ടു സീറ്റില് മത്സരിക്കും. വി ഫോര് കേരള മൂന്ന് സീറ്റുകളില് സ്ഥാനാര്ഥികളെ പ്രഖ്യാപിച്ചു. വ്യവസ്ഥാപിത രാഷ്ട്രീയകക്ഷികളെ ചോദ്യം ചെയ്യുന്ന ഇരുസംഘടനകളും ഒരുമിച്ച് നില്ക്കണമെന്ന ആശയം ചര്ച്ചയായെങ്കിലും ഫളം കണ്ടില്ല.
എറാണകുളം, കൊച്ചി, തൃക്കാക്കര എന്നിവിടങ്ങളില് വി ഫോര് കേരളയ്ക്കും ട്വന്റി ട്വന്റിക്കും സ്ഥാനാര്ഥികളുണ്ട്. നഗരമേഖലകളില് ട്വന്റി ട്വന്റി ആദ്യ പരീക്ഷണത്തിന്റെ ഭാഗമായാണ് ഇത്തവണത്തെ നിയമസഭ തിരഞ്ഞെടുപ്പിനൊരുങ്ങുന്നത്. പാര്ട്ടിയെന്ന നിലയിലേക്ക് വളരാന് ശ്രമിക്കുന്നതിനിടെ കൂട്ടുകെട്ട് ഗുണം ചെയ്യില്ലെന്ന വിലയിരുത്തലിലാണ് ട്വന്റി ട്വന്റി.