സീതാറാം യെച്ചൂരിയെയും ഡി രാജയെയും ശ്രീനഗറിൽ തടഞ്ഞു
ശ്രീനഗര്‍> കശ്‌മീരില്‍ തടങ്കലില്‍ കഴിയുന്ന സിപിഐ എം കേന്ദ്രകമ്മറ്റി അംഗവും എംഎല്‍എയുമായ മുഹമ്മദ് യൂസഫ് തരിഗാമിയുള്‍പ്പെടെയുള്ള പാര്‍ട്ടി പ്രവര്‍ത്തകരെ കാണാനായി ശ്രീനഗര്‍ വിമാനത്താവളത്തിലെത്തിയ സിപിഐ എം ജനറല്‍ സെക്രട്ടറി സീതാറാം യെച്ചൂരി, സിപിഐ ജനറല്‍ സെക്രട്ടറി ഡി രാജ എന്നിവരെ പൊലീസ് തടഞ്ഞു. ജമ്മുകശ്‌മീര്‍ ഗവര്‍ണറില്‍ നിന്നും അനുമതി വാങ്ങിയ ശേഷമാണ് തരിഗാമിയെ കാണാന്‍ എത്തിയയതെന്ന്‌ യെച്ചൂരി പറഞ്ഞെങ്കിലും ഇത് കേള്‍ക്കാന്‍ പൊലീസ് തയ്യാറായില്ല
സുരക്ഷ കാരണങ്ങളാല്‍ പ്രവേശിപ്പിക്കാനാകില്ലെന്നായിരുന്നു പൊലീസിന്റെ വിശദീകരണം. തരിഗാമിയും മുന്‍ മുഖ്യമന്ത്രി മെഹ്‌ബൂബ മുഫ്‌ത്തിയുമടക്കം പ്രമുഖരായ നേതാക്കളെയെല്ലാം കേന്ദ്രം തടങ്കലില്‍ വച്ചിരിക്കുകയാണ്.
കശ്‌മീരിനെ സംബന്ധിച്ച് യാതൊരു വിവരവും പുറത്തുവരുന്നുണ്ടായിരുന്നില്ല. മാധ്യമങ്ങള്‍ക്കും പൂര്‍ണ വിലക്കേര്‍പ്പെടുത്തി. ഈ സാഹചര്യത്തിലാണ്‌ തരിഗാമിയുടെ ആരോഗ്യസ്ഥിതി മനസിലാക്കുന്നതിനായി യെച്ചൂരി കശ്‌മീരിലെത്തിയത്.
Related News
'ഭാര്യയെ കൊന്ന് ആനന്ദ് ജീവനൊടുക്കി; മലയാളി കുടുംബത്തിന്റെ മരണത്തില് കൂടുതല് വെളിപ്പെടുത്തലുകളുമായി പൊലീസ്
ഹരിത കർമ്മസേന അംഗങ്ങൾക്ക് ഇലക്ട്രിക് ഓട്ടോ
കെ. സുധാകരന് തന്റെ മക്കളെ തട്ടിക്കൊണ്ടുപോകാന് പദ്ധതിയിട്ടു- പിണറായി വിജയന്
അതിദാരിദ്ര്യം ഒഴിവാക്കാനുള്ള സർക്കാർ നടപടിയെ പിന്തുണയ്ക്കുക; എ.വിജയരാഘവന്