എറണാകുളം ലാത്തിച്ചാർജിൽ നടപടി വേണ്ടെന്ന് ഡിജിപി
പോലീസുകാർക്കെതിരെ നടപടി എടുക്കേണ്ട ആവശ്യം ഇല്ലെന്നു ഡിജിപി. പോലീസിൻറെ ഭാഗത്ത് പിഴവുകൾ ഒന്നുമില്ലെന്നും ഡിജിപി സർക്കാറിന് നൽകിയ റിപ്പോർട്ടിൽ പറയുന്നു. എറണാകുളം എെജി ഓഫീസിലേക്ക് നടത്തിയ മാർച്ചിൽ എൽദോ എബ്രഹാം എംഎൽഎ ഉൾപ്പെടെയുള്ളവർക്കു പരിക്കേറ്റിരുന്നു.
സിപിഐ ശക്തമായ നടപടി ആവശ്യപ്പെട്ടിരുന്നു . അന്വേഷണം നടത്തി കുറ്റക്കാർക്കെതിരെ നടപടി സ്വീകരിക്കുമെന്ന് മുഖ്യമന്ത്രിയും പറഞ്ഞു എന്നാൽ ഇപ്പോൾ അന്വേഷണ റിപ്പോർട്ട് ഡിജിപി മുഖ്യമന്ത്രിക്ക് കൈമാറിയിരിക്കുകയാണ്. ആ റിപ്പോർട്ടിൽ പറയുന്നത് ഒരു നടപടിയും വേണ്ട, പോലീസുകാരുടെ ഭാഗത്തുനിന്നും യാതൊരുവിധ വീഴ്ചയും സംഭവിച്ചിട്ടില്ല എന്നാണ്.