വെഞ്ഞാറമൂട് കൊലക്കേസ്: ഐഎന്‍ടിയുസി നേതാവ് ഉണ്ണി അറസ്റ്റില്‍
തിരുവനന്തപുരം: വെഞ്ഞാറമൂട് ഇരട്ട കൊലകേസില്‍ ഒരു പ്രതികൂടി പൊലീസ് പിടിയില്‍. കൊലപാതകത്തില്‍ നേരിട്ട് പങ്കാളിയായ ഉണ്ണി എന്ന ബിജുവിനെയാണ് പൊലീസ് പിടികൂടിയത്. കോണ്‍ഗ്രസ് നേതാവിന്റെ ഒളിസങ്കേതത്തിലാണ് ഇവരെ പാര്‍പിച്ചതെന്നാണ് വിവരം. ഉണ്ണിയുടെ വീട്ടിലായിരുന്നു കൊലപാതകത്തിന്റെ ആദ്യ ആസൂത്രണം. ഇതോടെ കേസില്‍ പിടിയിലായവര്‍ എട്ടുപേരായി.
നേരത്തെ ഒരു സ്ത്രീ അടക്കം ഏഴ് പേര്‍ അറസ്റ്റിലായിരുന്നു. ഉണ്ണിയുടെ അറസ്റ്റ് വെള്ളിയാഴ്ച രേഖപ്പെടുത്തും. ഡിവൈഎഫ്ഐ നേതാക്കളായ ഹഖ് മുഹമ്മദ്, മിഥിലാജ് എന്നിവരെ വെട്ടിയും കുത്തിയും കൊന്ന സംഘത്തിലെ പ്രധാനിയാണ് ഉണ്ണി. ഇയാള്‍ യൂത്ത് കോണ്‍ഗ്രസിന്റെയും ഐഎന്‍ടിയുസിയുടെയും പ്രാദേശിക നേതാവാണ്. മാണിക്കല്‍ ഗ്രാമ പഞ്ചായത്ത് അംഗവും കോണ്‍ഗ്രസ് നേതാവുമായ തലയില്‍ ഗോപന്റെ അടുപ്പക്കാരനുമാണ് ഇയാള്‍. രണ്ട് പ്രതികളെ കൊന്നിയിലേക്ക് കടത്താന്‍ സഹായിച്ചതിന് അറസ്റ്റിലായ പ്രീജ, ഉണ്ണിയുടെ അടുത്ത ബന്ധുവാണ്.
കൊലക്ക് ശേഷം ഒളിവില്‍ പോകുകയായിരുന്നു ഉണ്ണി. തിരച്ചിലിനൊടുവില്‍ ഒരു ഗോഡൗണിന് സമീപത്ത് നിന്ന് ഇയാളെ പിടികൂടിയെന്നാണ് വിവരം. മറ്റൊരു കൊലകേസിലും കൊലപാതക ശ്രമകേസിലും ഇയാള്‍ പ്രതിയാണ്. ഉന്നത കോണ്‍ഗ്രസ് നേതാക്കളുമായി അടുത്ത ബന്ധമാണുള്ളത്.
Related News
'ഭാര്യയെ കൊന്ന് ആനന്ദ് ജീവനൊടുക്കി; മലയാളി കുടുംബത്തിന്റെ മരണത്തില് കൂടുതല് വെളിപ്പെടുത്തലുകളുമായി പൊലീസ്
ഹരിത കർമ്മസേന അംഗങ്ങൾക്ക് ഇലക്ട്രിക് ഓട്ടോ
കെ. സുധാകരന് തന്റെ മക്കളെ തട്ടിക്കൊണ്ടുപോകാന് പദ്ധതിയിട്ടു- പിണറായി വിജയന്
കേരളീയം ചലച്ചിത്രമേള; നാലാം ദിനവും ഹൗസ്ഫുൾ