അതിർത്തിയിൽ ഇന്ത്യ - ചൈന സൈനികർ നേർക്കുനേർ
ലഡാക്ക് : ഇന്ത്യ-ചൈന അതിര്ത്തിയില് വീണ്ടും സംഘര്ഷ സാധ്യത. ബുധനാഴ്ച കിഴക്കന് ലഡാക്കില് ഇരുരാജ്യങ്ങളിലേയും സൈനികര് തമ്മില് നേരിയ രീതിയില് സംഘര്ഷമുണ്ടായി റിപ്പോർട്ടുകൾ. അടുത്ത മാസം അരുണാചല് പ്രദേശില് ഇന്ത്യന് സൈന്യത്തിന്റെ പ്രത്യേക പരിശീലനം നടക്കാനിരിക്കെയാണ് പുതിയ സംഭവങ്ങൾ അരങ്ങേറുന്നത്.
ഏകദേശം 130ൽ അധികം കിലോമീറ്റര് ഉള്ള പാങ്കോംഗ് തടാകത്തിന്റെ വടക്കന് കരയിലാണ് ഇന്ത്യ - ചൈനീസ് സൈനികര് തമ്മില് നേര്ക്കുനേര് വന്നതെന്നാണ് റിപ്പോര്ട്ട്. ടിബറ്റ് മുതല് ലഡാക്ക് വരെയുള്ള ഈ തടാകത്തിന്റെ മൂന്നില് രണ്ട് ഭാഗവും ചൈനയുടെ നിയന്ത്രണത്തിലാണ്. ഇന്ത്യന് സൈന്യം പട്രോളിങ് നടത്തുന്നതിനിടെ ചൈനീസ് സൈന്യം പ്രദേശത്തേക്ക് എത്തുകയും തടയാന് ശ്രമിക്കുകയുമുണ്ടായി. ഇതേ തുടര്ന്നാണ് ഇരുവിഭാഗം സൈനികരും തമ്മില് നേരിയ രീതിയില് സംഘര്ഷമുണ്ടായത്. തുടര്ന്ന് പ്രദേശത്തേക്ക് ഇരുഭാഗത്ത് നിന്നും കൂടുതല് സൈനികരെ എത്തിച്ചതായുമാണ് റിപ്പോര്ട്ട്.