ഗലേറിയ ഫോട്ടോഷോ 2020; കേരളത്തിലെ ആദ്യ 3D ഓൺലൈൻ ഫോട്ടോഗ്രാഫി എക്സിബിഷൻ
കേരളത്തിലെ ഏറ്റവും മികച്ച ഫോട്ടോഗ്രാഫി കൂട്ടായ്മകളിലൊന്നായ ഫോട്ടോഗിയേർസിന്റെ നേതൃത്വത്തിൽ സെപ്റ്റംബർ 20 മുതൽ വെർച്ച്വൽ 3D ഓൺലൈൻ ഫോട്ടോഗ്രാഫി എക്സിബിഷൻ ആരംഭിക്കുന്നു. ഇത് ആദ്യമായിട്ടാണ് ഒരു വാട്സ്ആപ്പ് കമ്മ്യൂണിറ്റി ഇത്തരത്തിൽ ഒരു വെർച്ച്വൽ 3D ഫോട്ടോഗ്രാഫി എക്സിബിഷൻ നടത്തുന്നത്. ഫോട്ടോഗ്രാഫിയെ സ്നേഹിക്കുന്നവർക്ക് വേണ്ടി തിരുവനന്തപുരം സ്വദേശിയും മീഡിയ ഫോട്ടോഗ്രാഫറുമായ റിജാസ് മുഹമ്മദാണ് ( Rijas Mohammed ) 2015 ൽ ഫോട്ടോ ഗിയേർസ് എന്ന ഫോട്ടോഗ്രാഫി കൂട്ടായ്മ രൂപീകരിച്ചത്.
ഇതിനോടകം തന്നെ വ്യത്യസ്ത പരിപാടികളിലൂടെ ശ്രദ്ധ നേടിയിട്ടുള്ള ഫോട്ടോഗിയേർസ് കൂട്ടായ്മ, അവരുടെ അഞ്ചാം വാർഷികാഘോഷത്തിന്റെ ഭാഗമായാണ് ഫോട്ടോഗ്രാഫി പ്രേമികളെ ആവേശഭരിതരാക്കിക്കൊണ്ട് ഗലേറിയ ഫോട്ടോ ഷോ 2020 ആരംഭിക്കുന്നത്. നിലവിലെ കോവിഡ് സാഹചര്യം മനസിലാക്കിയാണ് ഇങ്ങനെയൊരു ആശയവുമായി റിജാസ് മുന്നോട്ടു വന്നത്.
20 സെപ്റ്റംബർ 2020 മുതൽ 'ആർട്സ്റ്റെപ്പ് ' എന്ന അപ്ലിക്കേഷന്റെ സഹായത്തോടെ ലോകത്തിന്റെ ഏത് കോണിൽ ഇരുന്നു കൊണ്ടും ഏവർക്കും ഓൺലൈൻ വഴി ഈ ദൃശ്യാവിഷ്‌കാരം ആസ്വദിക്കാവുന്നതാണ്, ഈ എക്സിബിഷനു വേണ്ടി എല്ലാവിധ ഡിസൈൻ കാര്യങ്ങളും തയ്യാറാക്കിയത് റിജാസ് മുഹമ്മദ് തന്നെയാണ്.
ഗലേറിയ ഫോട്ടോഷോ 2020യുടെ ഔദ്യോഗിക ഉദ്ഘാടനം പ്രശസ്ത മലയാളം ചലച്ചിത്ര സംവിധായകനായ മനു അശോകൻ നിർവഹിച്ചു. അദ്ദേഹം 2019 ൽ പുറത്തിറങ്ങിയ മലയാള ചലച്ചിത്രം 'ഉയരെ'യുടെ സംവിധായകനാണ്. അദ്ദേഹം രാജേഷ് പിള്ള സംവിധാനം ചെയ്ത വേട്ട, ട്രാഫിക്(ഹിന്ദി) എന്നീ ചിത്രങ്ങളിൽ അസോസിയേറ്റ് ഡയറക്ടറായും പ്രവർത്തിച്ചിട്ടുണ്ട്.
Team photogears ന്റെ ഡിജിറ്റൽ വിസിറ്റിംഗ് കാർഡിൽ എക്സിബിഷൻ എങ്ങനെ കാണാം എന്നതിന്റെ മുഴുവൻ വിവരങ്ങളും കൊടുത്തിട്ടുണ്ട്. മൊബൈൽ ഉപയോക്താക്കൾക്ക് 'ആർട്സ്റ്റെപ്പ്'എന്ന ആപ്ലിക്കേഷൻ ഡൗൺലോഡ് ചെയ്ത് 'ഗലേറിയ ഫോട്ടോഷോ 2020' സെർച്ച് ചെയ്താൽ മാത്രമേ ഈ ദൃശ്യാനുഭവം പൂർണമായും ആസ്വദിക്കാൻ സാധിക്കുകയുള്ളൂ...
വിസിറ്റിംഗ് കാർഡ് ലിങ്ക് : https://www.dibiz.com/teamphotogears
Related News