വാളയാറില് കുടുങ്ങിയവര്ക്ക് കേരളത്തിലേക്ക് പ്രവേശിക്കാന് അനുമതി നല്കാം: ഹൈക്കോടതി
തിരുവനന്തപുരം: ( 10.05.2020) വാളയാറില് കുടുങ്ങിയവര്ക്ക് കേരളത്തിലേക്ക് പ്രവേശിക്കാന് അനുമതി നല്കാമെന്ന് ഹൈക്കോടതി വ്യക്തമാക്കി. എന്നാല് ഇത് കീഴ് വഴക്കമാകരുതെന്നും അതിര്ത്തികളില് എത്തുന്നവര്ക്ക് അടിസ്ഥാന സൗകര്യം ഒരുക്കണമെന്നും ഹൈക്കോടതി സംസ്ഥാന സര്ക്കാരിന് നിര്ദേശം നല്കി. ഗര്ഭിണികള്ക്കും മുതിര്ന്ന പൗരന്മാര്ക്കും മുന്ഗണന നല്കണമെന്നും ഹൈക്കോടതി നിര്ദേശിച്ചു.
അതേസമയം കേരള അതിര്ത്തി കടക്കാന് രജിസ്ട്രേഷന് നിര്ബന്ധമെന്ന് സര്ക്കാര് ഹൈക്കോടതിയെ അറിയിച്ചു. ഓരോ ദിവസവും നല്കുന്ന പാസുകളുടെ എണ്ണം നിജപ്പെടുത്തിയിട്ടുണ്ടെന്നും പാസില്ലാത്തവരെ കടത്തിവിട്ടാല് മുന്കരുതല് സംവിധാനങ്ങള് തകരുമെന്നും സര്ക്കാര് വ്യക്തമാക്കി.