ന്യൂനപക്ഷ ക്ഷേമ പദ്ധതിയില് നിര്ണായക വിധി; 80:20 എന്ന അനുപാതം ഹൈക്കോടതി റദ്ദാക്കി
സംസ്ഥാനത്തെ ന്യൂനപക്ഷ ക്ഷേമ പദ്ധതികളിലെ 80:20 എന്ന അനുപാതം ഹൈക്കോടതി റദ്ദാക്കി. സംസ്ഥാന സര്ക്കാറിന്റെ 2015ലെ ഉത്തരവാണ് നിര്ണായക വിധിയിലൂടെ കോടതി റദ്ദാക്കിയത്. നിലവിലെ ജനസംഖ്യയ്ക്ക് ആനുപാതികമായി നടപടി സ്വീകരിക്കണമെന്നും കോടതി നിര്ദേശിച്ചു.
80 ശതമാനം മുസ്ലിം വിഭാഗത്തിനും 20 ശതമാനം ഇതര ന്യൂനപക്ഷ വിഭാഗങ്ങള്ക്കും എന്നായിരുന്നു നിലവിലുണ്ടായിരുന്ന ഉത്തരവ്. ചീഫ് ജസ്റ്റിസ് അധ്യക്ഷനായ ബെഞ്ചാണ് വിധി പുറപ്പെടുവിച്ചത്. അഡ്വ. ജസ്റ്റിന് പള്ളിവാതുക്കല് നല്കിയ ഹർജിയിലാണ് കോടതി നടപടി.
2015ലെ സര്ക്കാറിന്റെ ഉത്തരവില് പറയുന്ന അനുപാതം തയാറാക്കിയത് വേണ്ടത്ര പഠനത്തിന്റെ അടിസ്ഥാനത്തിലല്ലെന്ന് ഹരജിക്കാരന് ചൂണ്ടിക്കാട്ടി. കോടതി ഉത്തരവ് പ്രകാരം നിലവിലുള്ള ജനസംഖ്യയ്ക്ക് ആനുപാതികമായി പുതിയ അനുപാതം തയാറാക്കണം.