മരട് ഫ്‌ളാറ്റ് ഉടമകള്‍ക്ക് നാലാഴ്ചയ്ക്കുള്ളില്‍ 25 ലക്ഷം നഷ്ടപരിഹാരം നല്‍കണം; നിര്‍മ്മാതാക്കളുടെ സ്വത്ത് കണ്ടുകെട്ടണം
ന്യുഡല്‍ഹി: മരടില്‍ തീരദേശ സംരക്ഷണ നിയമം ലംഘിച്ച്‌ നിര്‍മ്മിച്ചതിന്റെ പേരില്‍ പൊളിച്ചുമാറ്റുന്ന അഞ്ച് ഫ്‌ളാറ്റുകളിലെയും ഉടമസ്ഥര്‍ക്ക് സര്‍ക്കാര്‍ നഷ്ടപരിഹാരം നല്‍കണമെന്ന് സുപ്രീം കോടതി. ഫ്‌ളാറ്റ് ഉടമകള്‍ക്ക് 25 ലക്ഷം വീതമാണ് സര്‍ക്കാര്‍ നഷ്ടപരിഹാരം നല്‍കേണ്ടത്. അന്തിമ നഷ്ടപരിഹാരം നിശ്ചയിക്കാന്‍ മൂന്നംഗ വിദഗ്ധ സമിതിയെ നിയോഗിക്കണം. അത് നിയമലംഘകരുടെ കാരണക്കാരില്‍ നിന്നും സര്‍ക്കാര്‍ ഈടാക്കണം. ഫ്‌ളാറ്റ് നിര്‍മ്മാതാക്കളുടെ സ്വത്ത് കണ്ടുകെട്ടണം. ഫ്‌ളാറ്റുകള്‍ പൊളിക്കുന്നത് ഒക്‌ടോബര്‍ ഒമ്ബത് ആരംഭിക്കണമെന്നും സുപ്രീം കോടതി നിര്‍ദേശിച്ചു.
മരടിലെ ഫ്‌ളാറ്റുകള്‍ പൊളിക്കുന്നത് ഒക്‌ടോബര്‍ 11ന് ആരംഭിക്കുമെന്നും 90 ദിവസത്തിനുള്ളില്‍ കെട്ടിടങ്ങള്‍ പൊളിക്കുമെന്നും 138 ദിവസത്തിനകം പൊളിക്കല്‍ നടപടികള്‍ പൂര്‍ത്തിയാക്കുമെന്നും സര്‍ക്കാര്‍ ഇന്ന് സുപ്രീം കോടതിയെ അറിയിച്ചു. കെട്ടിടം പൊളിക്കാനുള്ള ചെലവും നഷ്ടപരിഹാരം നല്‍കാനുള്ള തുകയും കെട്ടിട നിര്‍മ്മാതാക്കളില്‍ നിന്ന് ഈടാക്കണം. നഷ്ട പരിഹാരം ലഭിക്കുന്നത് വരെ ഫ്‌ളാറ്റുകളില്‍ താമസിക്കാന്‍ അനുവദിക്കണമെന്ന ഉടമകളുടെ ആവശ്യം കോടതി തള്ളി.
ജനങ്ങളെ കുടിയൊഴിപ്പിക്കാനല്ല, നിയമലംഘനം അവസാനിപ്പിക്കാനാണ് ഈ നടപടിയെന്ന് സുപ്രീം കോടതി വ്യക്തമാക്കി. ഫ്‌ളാറ്റുകളില്‍ നിന്ന് പുറത്തുപോകേണ്ടി വരുന്നവര്‍ക്ക് സര്‍ക്കാര്‍ അഭയകേന്ദ്രം ഒരുക്കണം. കോടതി വിധി പാലിക്കാന്‍ കഴിഞ്ഞില്ലെങ്കില്‍ ചീഫ് സെക്രട്ടറി നേരിട്ട് ഹാജരാകണമെന്നും സുപ്രീം കോടതി ചൂണ്ടിക്കാട്ടി.
Related News
കോവിഡ് ബാധിച്ച് മരിച്ചവരുടെ കുടുംബാംഗങ്ങള്ക്ക് നഷ്ടപരിഹാരം നല്‍കണമെന്ന് സുപ്രീംകോടതി
പ്ലസ് വണ് പരീക്ഷ: കേരളത്തിനും ആന്ധ്രപ്രദേശിനും സുപ്രീം കോടതിയുടെ വിമര്ശനം
കടല്ക്കൊല കേസ് അവസാനിപ്പിച്ച് സുപ്രീം കോടതി
സംസ്ഥാന ഹയര് സെക്കന്ഡറി പരീക്ഷകള് റദ്ദാക്കണമെന്ന് ഹര്ജ്ജി സുപ്രീം കോടതിയില്