ഈ വര്‍ഷത്തെ ഇന്ത്യയുടെ ആദ്യ സാറ്റലൈറ്റ് ഭ്രമണപഥത്തില്‍

Ajith.A

17 January 2020 12:49 PM

ഫ്രഞ്ച് ഗയാന: ഈ വര്‍ഷത്തെ ആദ്യ ദൗത്യം വിജയകരമാക്കി ഇസ്രോ. ആശയവിനിമയ ഉപഗ്രഹമായ ജിസാറ്റ് 30യാണ് വിജയകരമായി ഭ്രമണപഥത്തില്‍ എത്തിച്ചത്. വെള്ളിയാഴ്ച പുലര്‍ച്ചെ 2.35ന് ഫ്രഞ്ച് ഗയാനയില്‍നിന്നാണ് ഉപഗ്രഹം വിക്ഷേപിച്ചത്. പേടകം ഉയര്‍ന്നുപൊങ്ങി 38ആം മിനിറ്റില്‍ തന്നെ ജിയോ സിന്‍ക്രണൈസര്‍ ഓര്‍ബിറ്ററില്‍ ഉപഗ്രഹത്തെ വിക്ഷേപിച്ചു.

യൂറോപ്യന്‍ വിക്ഷേപണ വാഹനമായ അരിയാനെ 5വാണ് ജിസാറ്റ് 30യെ ഭ്രമണപഥത്തിലെത്തിച്ചത്. അരിയാനെ വിക്ഷേപിക്കുന്ന 24ആം ഇന്ത്യന്‍ ഉപഗ്രഹമാണ് ജിസാറ്റ് 30. ഇന്‍സാറ്റ് 4 എ ഉപഗ്രഹത്തിന് പകരമായാണ് ജിസാറ്റ് 30യെ ഇന്ത്യ വിക്ഷേപിച്ചിരിക്കുന്നത്. ഡി‌ടിഎച്ച്‌, ടെലിവിഷന്‍ ബ്രോഡ്കാസ്റ്റിങ്, അപലിങ്കിങ്, ഡിഎസ്‌എന്‍ജി, ഇന്റര്‍നെറ്റ് സേവനങ്ങള്‍ ലഭ്യമക്കുന്നതിനാണ് ജിസാറ്റ് 30 വിക്ഷേപിച്ചിരിക്കുന്നത്. 3,357 കിലോഗ്രാമാണ് ഈ ഉപഗ്രഹത്തിന്റെ ഭാരം. 15 വര്‍ഷം ജിസാറ്റ് 30 പ്രവര്‍ത്തിക്കും എന്നാണ് ഇസ്രോയുടെ വിലയിരുത്തല്‍.