ആറ്റിങ്ങലില് അഡ്വ. എസ്. കുമാരി ചെയര്പേഴ്സണ്
ആറ്റിങ്ങല്: ആറ്റിങ്ങല് നഗരസഭയുടെ ചെയര്പേഴ്സണായി അഡ്വ. എസ്. കുമാരി ഇന്ന് രാവിലെ രാവിലെ 11ന് സത്യപ്രതിജ്ഞ ചെയ്ത് അധികാരമേല്ക്കും. ആറാം വാര്ഡായ തച്ചൂര്ക്കുന്നില് നിന്നാണ് ഇക്കുറി അഡ്വ. എസ്. കുമാരി നഗരസഭയിലെത്തിയത്. 53 കാരിയായ ഇവര് 2010 - 2015 വരെ ചെയര്പേഴ്സണായിരുന്നു. രാമച്ചംവിള വാര്ഡില് നിന്നും വിജയിച്ച സി.പി.എമ്മിലെ ജി. തുളസീധരന്പിള്ള വൈസ് ചെയര്മാനാകുമെന്ന് സി.പി.എം ഏരിയാ സെക്രട്ടറി എസ്. ലെനിന് പറഞ്ഞു. വൈസ് ചെയര്മാന് സ്ഥാനത്തിനായി സി.പി.ഐ അവകാശവാദം ഉന്നയിച്ചിരുന്നു. രണ്ടുതവണ സ്റ്റാന്ഡിംഗ് കമ്മിറ്റി ചെയര്മാനായിരുന്ന അവനവഞ്ചേരി രാജുവിനെയാണ് പരിഗണിച്ചിരുന്നത്. എന്നാല് അവസാന വട്ട ചര്ച്ചയില് ജാതിസമവാക്യവും ഈസ്റ്റ് വെസ്റ്റ് മേഖലകള്ക്ക് പരിഗണന നല്കാനും തീരുമാനിച്ചപ്പോള് തുളസീധരന്പിള്ളയെ തീരുമാനിക്കുകയായിരുന്നുവെന്നാണ് വിവരം. ആറ്റിങ്ങല് കോടതിയിലെ അഭിഭാഷകയായ എസ്. കുമാരി 2005ലാണ് ആദ്യമായി തിരഞ്ഞെടുപ്പ് രംഗത്തെത്തുന്നത്. 2005ല് അഞ്ചാം വാര്ഡില് നിന്നും വിജയിച്ച് കൗണ്സിലറും 2010ല് ആറാം വാര്ഡില് നിന്നും വിജയിച്ച് ചെയര്പേഴ്സണുമായി. സി.പി.എം ആറ്റിങ്ങല് ഈസ്റ്റ് ലോക്കല് കമ്മിറ്റി അംഗം, ജനാധിപത്യ മഹിളാ അസോസിയേഷന് ജില്ലാ കമ്മിറ്റി അംഗം, കര്ഷക സംഘം ആറ്റിങ്ങല് ഏരിയാ കമ്മിറ്റി അംഗം എന്നീ നിലകളില് പ്രവര്ത്തിക്കുകയാണ്.
വൈസ് ചെയര്മാനാകുന്ന ജി. തുളസീധരന്പിള്ള കരുത്തുറ്റ സംഘാടകനും നേതൃനിരയില് കഴിവ് തെളിയിച്ച വ്യക്തിയുമാണ്. രണ്ടുതവണ കൗണ്സിലറായ ഇദ്ദേഹം സ്റ്റാന്ഡിംഗ് കമ്മിറ്റി ചെയര്മാനായും ഭരണമികവ് പുലര്ത്തിയിട്ടുണ്ട്. സി.പി.എം വെസ്റ്റ് ലോക്കല് കമ്മിറ്റി അംഗമായ അദ്ദേഹം കര്ഷക സംഘം ഏരിയാ വൈസ് പ്രസിഡന്റുമാണ്. അദ്ധ്യാപകനായിരുന്ന തുളസീധരന്പിള്ള കെ.എസ്.ടി.എ സംസ്ഥാന വൈസ് പ്രസിഡന്റായും പ്രവര്ത്തിച്ചിട്ടുണ്ട്. 31 അംഗ ഭരണസമിതിയില് എല്.ഡി.എഫിന് 18 സീറ്റാണ് ലഭിച്ചത്.