വര്ക്കല പാരിപ്പള്ളിയിലെ കുഞ്ഞ് മരിച്ചത് മഞ്ഞപ്പിത്തവും ന്യുമോണിയയും ബാധിച്ചെന്ന് പോസ്റ്റ്മോര്ട്ടം റിപ്പോര്ട്ട്
കൊല്ലം: വര്ക്കല പാരിപ്പള്ളിയില് നാലുവയസുകാരി മരിച്ചത് മര്ദ്ദനമേറ്റല്ലെന്ന് പോസ്റ്റ്മോര്ട്ടം റിപ്പോര്ട്ട്. കടുത്ത മഞ്ഞപ്പിത്തവും ന്യുമോണിയയുമാണ് കുഞ്ഞിന്റെ മരണകാരണമെന്ന് പോലീസ് വ്യക്തമാക്കി. ചാവടിമുക്ക് ദീപുവിന്റെ മകള് ദിയയാണ് മരിച്ചത്. കുഞ്ഞിനെ ആശുപത്രിയില് എത്തിച്ചപ്പോള് വായില്നിന്നും ചോര വന്നത് രോഗം മൂലമാണ്. ശരീരത്തില് അടിയുടെ പാടുകള് ഉണ്ടെങ്കിലും അവ സാരമുള്ളതല്ല. മാതാപിതാക്കളെ വിശദമായി ചോദ്യം ചെയ്തശേഷം വിട്ടയച്ചു. കുഞ്ഞിനെ തല്ലിയതിന് അമ്മ രമ്യക്കെതിരെ ബാലനീതി വകുപ്പ് പ്രകാരം പോലീസ് കേസെടുത്തു.
കുട്ടിയുടെ രക്ഷിതാക്കളില്നിന്നും കാര്യങ്ങള് ചോദിച്ചു മനസിലാക്കുക മാത്രമാണ് ചെയ്തതെന്ന് പോലീസ് പറഞ്ഞു. രാവിലെ അസ്വസ്ഥത തോന്നിയതിനെത്തുടര്ന്ന് കുഞ്ഞിനെ പാരിപ്പള്ളിയിലെ ആശുപത്രിയില് പ്രവേശിപ്പിച്ചിരുന്നു. അവിടെവെച്ചാണ് കുട്ടിയുടെ വായില്നിന്നും രക്തം വന്നത്. തുടര്ന്ന് പോലീസിനെ വിവരം അറിയിക്കുകയായിരുന്നു. കുഞ്ഞിനെ തിരുവനന്തപുരത്തെ ആശുപത്രിയിലെത്തിക്കുമ്ബോഴേക്ക് മരണം സംഭവിച്ചു.
ഭക്ഷണം കഴിക്കാതിരുന്നതിന് കുഞ്ഞിനെ അമ്മ തല്ലിയതായി പിതൃ സഹോദരി പോലീസിന് മൊഴി നല്കിയിരുന്നു. എന്നാല് കുട്ടി ഭക്ഷണം കഴിക്കാതിരുന്നത് രോഗത്തെത്തുടര്ന്നായിരുന്നു. കുട്ടിക്ക് രണ്ട് ദിവസമായി പനിയുണ്ടായിരുന്നു. മരണത്തെത്തുടര്ന്ന് ആരോപണം ഉയര്ന്നതിനാലാണ് ഇന്ക്വസ്റ്റിന് ശേഷം കുട്ടിയെ പോസ്റ്റ്മോര്ട്ടം ചെയ്തത്. കൊല്ലത്തെ ചാത്തന്നൂര് ചിറക്കരയിലാണ് കുടുംബം വാടകയ്ക്ക് താമസിക്കുന്നത്. ദമ്ബതികള്ക്ക് രണ്ടുവയസുള്ള മറ്റൊരു കുട്ടികൂടിയുണ്ട്. നഴ്സാണ് രമ്യ. അധികൃതരുടെ പരാതിയിലാണ് പോലീസ് കേസെടുത്തത്.