അപേക്ഷകൾ സമർപ്പിക്കാം
പ്രവേശന പരീക്ഷാ കമ്മീഷണർ പ്രവേശന നടപടികളിൽ ഉൾപ്പെടുത്തിയ സർക്കാർ/ സ്വാശ്രയ ലോ കോളേജുകളിലെ സംയോജിത പഞ്ചവത്സര/ ത്രിവത്സര എൽ.എൽ.ബി കോഴ്‌സുകളിലേയ്ക്ക് ട്രാൻസ്‌ജെൻഡർ വിഭാഗത്തിലുൾപ്പെട്ട അപേക്ഷകർക്ക് നവംബർ 29 രാവിലെ 10 മുതൽ ഉച്ചക്ക് 1 മണി വരെ അപേക്ഷ അതാത് കോളേജുകളിൽ നേരിട്ട് സമർപ്പിക്കാം.
നിബന്ധനകൾ:
➣ ഓരോ കോഴ്‌സിലേക്കും അധികമായി (സൂപ്പർ ന്യൂമററി) അനുവദിച്ച സീറ്റുകളുടെ എണ്ണം 2 ആണ്.
➣ അപേക്ഷകൻ പ്രവേശന പരീക്ഷ കമ്മീഷണർ പ്രസിദ്ധീകരിച്ച റാങ്ക് ലിസ്റ്റിൽ ഉൾപെട്ടിട്ടുണ്ടാകണം.
➣ ട്രാൻസ്‌ജെൻഡർ വിഭാഗത്തിൽ ഉൾപെടുന്ന അപേക്ഷകനാണെന്നു തെളിയിക്കുന്ന തിരിച്ചറിയൽ കാർഡ് (ട്രാൻസ്‌ജെൻഡർ പ്രൊട്ടക്ഷൻ ആക്ട് 2019 പ്രകാരം ഫോറം 5 ലോ ഫോം 6 ലോ ജില്ലാകലക്ടർ/ ജില്ലാ മജിസ്ട്രേറ്റ് നൽകിയിട്ടുള്ള തിരിച്ചറിയൽ കാർഡ് അല്ലെങ്കിൽ സാമൂഹ്യക്ഷേമ വകുപ്പ് ഡയറക്ടർ നൽകിയിട്ടുള്ള തിരിച്ചറിയൽ കാർഡ്) അപേക്ഷ സമർപ്പിക്കുമ്പോൾ ബന്ധപെട്ട കോളേജിൽ ഹാജരാക്കിയിരിക്കണം.
➣ പ്രോസ്‌പെക്ടസ് ക്ലോസ് 19 പ്രകാരമുള്ള രേഖകൾ (അലോട്ട്മെന്റ് മെമ്മോ ഒഴികെ) അപേക്ഷ സമർപ്പിക്കുമ്പോൾ ബന്ധപെട്ട കോളേജിൽ ഹാജരാക്കിയിരിക്കണം.
➣ സർക്കാർ/ സർവകലാശാല ഉത്തരവ് പ്രകാരമുള്ള ഫീസ് ബന്ധപെട്ട കോളേജിൽ അടയ്‌ക്കണം.
വിശദമായ വിജ്ഞാപനം പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റിൽ ലഭ്യമാണ്.
Related News
അറ്റകുറ്റപ്പണിക്കിടെ കോളജ് ബസിനുള്ളിൽ പൊട്ടിത്തെറി; വർക് ഷോപ്പ് ജീവനക്കാരൻ മരിച്ചു
രാഹുൽ മാങ്കൂട്ടത്തിൽ ലൈംഗിക പീഡനത്തിനിരയാക്കി; മുഖ്യമന്ത്രിക്ക് നേരിട്ട് പരാതി നൽകി അതിജീവിത
കൗണ്‍സിലിംഗ് സൈക്കോളജി കോഴ്‌സ്
