വയനാടിനുള്ള കേന്ദ്രസഹായം; മറുപടിയില്ലാതെ ബിജെപി

news

വയനാടിനുള്ള കേന്ദ്രസഹായം; മറുപടിയില്ലാതെ ബിജെപി

News Desk

23 February 2026 10:29 PM

വയനാട്‌ പുനരധിവാസത്തിനുള്ള കേന്ദ്രസർക്കാർ സഹായം നൽകാത്തതിന്‌ മറുപടിയില്ലാതെ ഒഴിഞ്ഞുമാറി ബിജെപി സംസ്ഥാന അധ്യക്ഷൻ രാജീവ്‌ ചന്ദ്രശേഖർ. മുണ്ടക്കൈ ദുരന്തബാധിതർക്കുള്ള സംസ്ഥാന സർക്കാരിന്റെ വീടുകൾ ബുധനാഴ്‌ച കൈമാറുകയാണെന്നും അർഹമായ കേന്ദ്രസഹായം ലഭിച്ചില്ലെന്നും മാധ്യമപ്രവർത്തകർ ചൂണ്ടിക്കാട്ടിയപ്പോഴായാണ് ഉത്തരമില്ലാതെ ബിജെപി അധ്യക്ഷൻ ഒഴിഞ്ഞു മാറിയത്. വിഷയത്തിൽ പ്രതികരിക്കാൻ എൻഡിഎ വൈസ് ചെയർമാൻ എ എൻ രാധാകൃഷ്ണനെ ചുമതലപ്പെടുത്തി രാജീവ്‌ ചന്ദ്രശേഖർ തടിതപ്പി. അധ്യക്ഷനോടാണ്‌ ചോദ്യം എന്ന്‌ ആവർത്തിച്ചിട്ടും ഫലമുണ്ടായില്ല. കേരളം ചോദിക്കുന്ന തുക മുഴുവൻ നൽകാൻ കഴിയില്ലെന്നാണ് എ എൻ രാധാകൃഷ്‌ണൻ നൽകിയ മറുപടി.