സംസ്ഥാനത്ത് ശക്തമായ മഴയ്ക്ക് സാധ്യത; നാല് ജില്ലകളില് ഇന്ന് യെല്ലോ അലര്ട്ട്
തിരുവനന്തപുരം: സംസ്ഥാനത്ത് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ജൂണ് 22 വരെ മഴ തുടരുമെന്നാണ് മുന്നറിയിപ്പില് പറയുന്നത്. 24 മണിക്കൂറില് 64.5 mm മുതല് 115 mm വരെയുള്ള മഴക്കാണ് സാധ്യത. ഇതിന്റെ അടിസ്ഥാനത്തില് നാല് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. കോഴിക്കോട്, വയനാട്, കണ്ണൂര്, കാസര്ഗോഡ്. ഇന്ന് യെല്ലോ അലര്ട്ട്. നാളെ മലപ്പുറം, കണ്ണൂര്, കാസര്ഗോഡ് ജില്ലകളിലും യെല്ലോ അലര്ട്ട് പ്രഖ്യാപിച്ചിട്ടുണ്ട്.