കന്യാകുമാരി മേഖലയിൽ ചക്രവാതച്ചുഴി; നാളെ മുതൽ ശക്തമായ മഴയ്ക്ക് സാധ്യത

കന്യാകുമാരി മേഖലയിലെ ചക്രവാതച്ചുഴിയുടെ സ്വാധീനത്തിൽ കേരളത്തിൽ മഴ ശക്തമായേക്കും. നാളെ മുതൽ ഉച്ചയ്ക്കുശേഷം സംസ്ഥാനത്തെ മിക്ക ജില്ലകളിലും ഇടിമിന്നലോടെ മഴ ലഭിക്കാനാണ് സാധ്യത. തിരുവനന്തപുരം, കൊല്ലം, പത്തനംതിട്ട, കോട്ടയം, എറണാകുളം, ഇടുക്കി, പാലക്കാട്, മലപ്പുറം, വയനാട് തുടങ്ങിയ ജില്ലകളുടെ കിഴക്കൻ മേഖലകളിൽ കുറഞ്ഞ സമയത്തിനുള്ളിൽ ശക്തമായതോ അതിശക്തമായതോ ആയ മഴയ്ക്ക് സാധ്യതയുള്ളതിനാൽ ജാഗ്രത നിർദേശം നൽകിയിട്ടുണ്ട്