കണിമംഗലം – പനമുക്ക് റോഡ് നാടിന് സമർപ്പിച്ചു

തുടങ്ങി വെച്ച പദ്ധതികളായ നെടുപുഴ മേൽപ്പാലം നിർമ്മാണം, വലിയാലയ്ക്കൽ നിന്ന് മദാമതോപ്പ് വഴി പടിഞ്ഞാറെ കോട്ട പോകുന്ന റോഡ് തുടങ്ങിയ പാതകൾ നവീകരിക്കുന്നത്തോടെ മനോഹരമായ റോഡുകളുടെ പ്രധാന കേന്ദ്രമായി പ്രദേശം മാറുമെന്നും മന്ത്രി അഭിപ്രായപ്പെട്ടു.

കേന്ദ്രം വിഹിതം കിട്ടാത്ത സാഹചര്യത്തിലും കുടിവെള്ളം, പൊതു ഗതാഗതം, വൈദ്യുതി നിർമ്മാണം, വിദ്യാഭ്യാസം തുടങ്ങി അടിസ്ഥാന മേഖലക്ക് വേണ്ടി ഫണ്ട് കണ്ടെത്തി മാതൃകയായി മികവോടെ പ്രവർത്തിക്കുന്ന തൃശൂർ കോർപ്പറേഷനെ മന്ത്രി അഭിനന്ദിക്കുകയും ചെയ്തു. ചുരുങ്ങിയ സമയം കൊണ്ട് നിർമ്മാണം പൂർത്തീകരിച്ച കരാറുകാരൻ ജോൺസനെ മന്ത്രി ആദരിച്ചു. രണ്ടാം ഘട്ടത്തിലെ നിർമ്മാണ പ്രവൃത്തിയായ സംഗമം സെൻ്റർ മുതൽ വട്ടപിന്നി വരെയുള്ള നിർമ്മാണത്തിനുള്ള ടെണ്ടർ നടപടികൾ പൂർത്തികരിച്ചതും അറിയിച്ചു.