കൈത്തറി ക്ഷേമനിധി: ഏകീകൃത ഐഡി കാർഡിനായി വിവരങ്ങൾ അപ്ഡേറ്റ് ചെയ്യാം

തൊഴിൽ വകുപ്പിന് കീഴിലുള്ള ക്ഷേമനിധി ബോർഡുകളുടെ പ്രവർത്തനം കൂടുതൽ കാര്യക്ഷമമാക്കുതിന് വേണ്ടി രൂപികരിച്ച അഡ്വാൻസ്ഡ് ഇൻഫർമേഷൻ ഇന്റർഫേസ് സിസ്റ്റം (AIIS) സോഫ്റ്റ്‌വെയറിലുള്ള വിവരശേഖരണം കുറ്റമറ്റതാക്കി, ഏകീകൃത ഐഡന്റിറ്റി കാർഡ് നൽകുതിന് വേണ്ടി, കേരള കൈത്തറി തൊഴിലാളി ക്ഷേമനിധി ബോർഡിലെ എല്ലാ അംഗങ്ങളും രജിസ്റ്റർ ചെയ്ത ഡാറ്റ പരിശോധിച്ച് നൽകിയ വിവരങ്ങൾ പൂർണ്ണമാണെന്ന് ഉറപ്പ് വരുത്തണം. ആവശ്യമെങ്കിൽ മാറ്റങ്ങൾ വരുത്തി അപ്‌ലോഡ് ചെയ്യണം. അക്ഷയ കേന്ദ്രങ്ങൾ വഴിയോ, ബോർഡ് വിവിധ കേന്ദ്രങ്ങളിൽ നടത്തുന്ന ക്യാമ്പുകൾ വഴിയോ തൊഴിലാളികൾക്ക് വിവരങ്ങൾ അപ്‌ഡേറ്റ് ചെയ്യാം. കൈത്തറി ക്ഷേമനിധിയിലെ അംഗങ്ങൾക്കും നിലവിൽ അംഗത്വം മുടങ്ങിക്കിടക്കുന്ന തൊഴിലാളികൾക്കും വിവരങ്ങൾ അപ്‌ഡേറ്റ് ചെയ്യാം.

ആധാർ കാർഡ്, ബാങ്ക് പാസ്സ് ബുക്കിന്റെ പകർപ്പ്, മൊബൈൽ ഫോൺ, ക്ഷേമനിധി ഐഡി കാർഡ്, ഫോട്ടോ, പൂരിപ്പിച്ച നോമിനേഷൻ ഫോറം എന്നിവ സഹിതമായിരിക്കണം അപ്‌ഡേഷൻ നടത്തേണ്ടത്.  ജൂലൈ 31 വരെയാണ് അപ്‌ഡേഷന് അവസരം.  ക്ഷേമനിധി ബോർഡ് വിവിധ കേന്ദ്രങ്ങളിൽ നടത്തുന്ന ക്യാമ്പുകൾ സംബന്ധിച്ച വിവരങ്ങൾക്കും നോമിനേഷൻ ഫോറം ലഭിക്കാനുമായി ക്ഷേമനിധി ബോർഡിന്റെ ജില്ലാ ഓഫീസുകളുമായി ബന്ധപ്പെടണം. നോമിനേഷൻ ഫോറം ക്ഷേമനിധി ഓഫീസുകളിൽ നിന്നും, കൈത്തറി സഹകരണ സംഘം സെക്രട്ടറിമാരിൽ നിന്നും ലഭിക്കും. കുടുതൽ വിവരങ്ങൾക്ക് താഴെ കൊടുത്ത ഫോൺ നമ്പറിൽ ബന്ധപ്പെടാം.

കണ്ണൂർ- 04972702995, കോഴിക്കോട്- 04962984709, ഏറണാകുളം- 04842374935, തിരുവനന്തപുരം– 04712331958.