എക്സാലോജിക്-സിഎംആര്എല് ഇടപാട്; ഇ ഡി നടപടികള്ക്ക് വെള്ളിയാഴ്ച വരെ സ്റ്റേ
എക്സാലോജിക്-സിഎംആര്എല് ഇടപാടുമായി ബന്ധപ്പെട്ട ഇ ഡി നടപടികള്ക്ക് സ്റ്റേ. വെള്ളിയാഴ്ച വരെ തുടര്നടപടികള് പാടില്ലെന്ന് ഹൈക്കോടതി നിര്ദേശിച്ചു. ഇ ഡി അന്വേഷണം തടയണമെന്ന ആവശ്യത്തില് വിധി വെള്ളിയാഴ്ച…
എക്സാലോജിക്-സിഎംആര്എല് ഇടപാടുമായി ബന്ധപ്പെട്ട ഇ ഡി നടപടികള്ക്ക് സ്റ്റേ. വെള്ളിയാഴ്ച വരെ തുടര്നടപടികള് പാടില്ലെന്ന് ഹൈക്കോടതി നിര്ദേശിച്ചു. ഇ ഡി അന്വേഷണം തടയണമെന്ന ആവശ്യത്തില് വിധി വെള്ളിയാഴ്ച പുറപ്പെടുവിക്കും. അതുവരെ നടപടികള് പാടില്ലെന്നാണ് ഹൈക്കോടതി നിര്ദേശിച്ചിരിക്കുന്നത്.
എക്സാലോജിക്-സിഎംആര്എല് ഇടപാടുമായി ബന്ധപ്പെട്ട് വിശദമായ വാദമാണ് ഇന്ന് ഹൈക്കോടതിയില് നടന്നത്. ജസ്റ്റിസുമായ വി രാജ വിജയരാഘവന്, കെ വിജയകുമാര് എന്നിവര് അടങ്ങിയ ഡിവിഷന് ബെഞ്ചാണ് വാദം കേട്ടത്. ഇ ഡിയുടെ താല്പര്യങ്ങള്ക്ക് വഴങ്ങാന് നിര്ബന്ധം ചെലുത്തുന്നുവെന്നാണ് സിഎംആര്എല്ലിന്റെ ആരോപണം. അന്വേഷണവുമായി സഹകരിച്ചിട്ടില്ല എന്ന് ഇ ഡിക്ക് പറയാന് കഴിയില്ല. ഇ ഡിയുടെ സമന്സ് കോടിയില് ചോദ്യം ചെയ്തത് അന്വേഷണത്തോടുള്ള നിസ്സഹകരണം അല്ല. അപ്രിയമായ രീതിയിലാണ് ഇ ഡി ഇടപെട്ടത്. ഇ ഡിയുടെ സമന്സിന് അന്വേഷണ സ്വഭാവം ഉണ്ട്. എഫ്ഐആര് ഇല്ലാതെയാണ് ഇ ഡി അന്വേഷണം തുടങ്ങിയത്. അധികാര പരിധി മറികടന്നാണ് ഇ ഡിയുടെ അന്വേഷണമെന്നും സിഎംആര്എല് വാദിച്ചു.
