ചര്‍ച്ച പരാജയം: കര്‍ഷക സമരം തുടരും; വെള്ളിയാഴ്ച വീണ്ടും ചര്‍ച്ച

Ajith.A

04 January 2021 08:40 PM

കേന്ദ്ര കാര്‍ഷിക നിയമങ്ങള്‍ക്കെതിരെ സമരം ചെയ്യുന്ന കര്‍ഷക സംഘടനകളുമായി കേന്ദ്ര സര്‍ക്കാര്‍ ഇന്ന് നടത്തിയ ഏഴാംവട്ട ചര്‍ച്ചയും പരാജയം. ഒരു കാരണത്താലും കാര്‍ഷിക നിയമങ്ങള്‍ പിന്‍വലിക്കില്ലെന്ന് കേന്ദ്ര സര്‍ക്കാര്‍ നിലപാടെടുത്തതോടെയാണ് ചര്‍ച്ച പരാജയപ്പെട്ടത്.

പ്രക്ഷോഭം നയിക്കുന്നത്തില്‍ നാല്‍പത്തിയൊന്ന് കര്‍ഷക സംഘടന നേതാക്കളുമായി നടന്ന ചര്‍ച്ചക്ക് കേന്ദ്ര കാര്‍ഷിക മന്ത്രി നരേന്ദ്ര തോമര്‍, വാണിജ്യ മന്ത്രി പിയുഷ് ഗോയാല്‍ തുടങ്ങിയവരാണ് നേതൃത്വം നല്‍കിയത്.

നിയമങ്ങള്‍ പൂര്‍ണ്ണമായും പിന്‍വലിക്കുക എന്നതില്‍ കുറഞ്ഞ മറ്റൊന്നും അംഗീകരിക്കാനാവില്ല എന്ന നിലപാടില്‍ തന്നെയായിരുന്നു കര്‍ഷക സംഘടനകള്‍. എന്നാല്‍ ഇത് അംഗീകരിക്കാന്‍ കേന്ദ്രം തയ്യാറാകാത്തതിനെ തുടര്‍ന്നാണ് ഏഴാംവട്ട ചര്‍ച്ചയും പരാജയപ്പെട്ടത്.വരുന്ന വെള്ളിയാഴ്ചയാണ് അടുത്ത ചര്‍ച്ച നടക്കുക.