മോദിക്കെതിരെ മാനനഷ്ട കേസ്
ന്യൂഡല്ഹി: പ്രധാനമന്ത്രി നരേന്ദ്രമോദിക്കെതിരേ ബംഗാള് മുഖ്യമന്ത്രി മമതാ ബാനര്ജിയുടെ സഹോദരീപുത്രന്റെ മാനനഷ്ടക്കേസ്. തൃണമൂല് കോണ്ഗ്രസ് ട ഡയമണ്ട് ഹാര്ബര് മണ്ഡലത്തില് വീണ്ടും ജനവിധി തേടുന്ന അഭിഷേക് ബാനര്ജിയാണ് ശനിയാഴ്ച അഭിഭാഷകന് മുഖേന നോട്ടീസയച്ചത്. ഡയമണ്ട് ഹാര്ബറില് നടന്ന ബി.ജെ.പി. തിരഞ്ഞെടുപ്പു റാലിയില് മോദി തനിക്കെതിരേ വ്യാജ ആരോപണങ്ങള് ഉന്നയിച്ചെന്ന് ചൂണ്ടിക്കാട്ടിയാണ് നോട്ടീസ്. ബി.ജെ.പി. സ്ഥാനാര്ഥി നിരഞ്ജന് റോയിയുടെ പ്രചാരണത്തിനിടയിലാണ് മോദി തനിക്ക് അപകീര്ത്തിയുണ്ടാക്കുന്ന പരാമര്ശങ്ങള് നടത്തിയതെന്ന് അഭിഷേക് നോട്ടീസില് കുറ്റപ്പെടുത്തി.
മമതയുടെയും സഹോദരീപുത്രന്റെയും ഭരണത്തില് ബംഗാളില് ജനാധിപത്യം ഗുണ്ടാധിപത്യത്തിന് വഴിമാറിയിരിക്കുകയാണെന്നും തൃണമൂല് കോണ്ഗ്രസ് ഗുണ്ടകള് ജനജീവിതം നരകതുല്യമാക്കിയതായും തിരഞ്ഞെടുപ്പ് യോഗത്തില് മോദി ആരോപിച്ചിരുന്നു.