മൊറട്ടോറിയം നീട്ടിയാൽ ഗുണം 1.25 ലക്ഷം പേർക്ക്; കേരളത്തിന് തീരുമാനിക്കാം
തിരുവനന്തപുരം : പുനഃക്രമീകരിച്ച കാർഷിക വായ്പകൾക്കുള്ള മൊറട്ടോറിയം ഡിസംബർ 31 വരെ നീട്ടുന്ന കാര്യം സംസ്ഥാനതല ബാങ്കേഴ്സ് സമിതിക്കു (എസ്എൽബിസി) തന്നെ തീരുമാനിക്കാമെന്ന് റിസർവ് ബാങ്ക്. ജൂലൈ 31 വരെയുള്ള മൊറട്ടോറിയം ഡിസംബർ 31 വരെ നീട്ടണമെന്ന് അഭ്യർഥിച്ച് എസ്എൽബിസി അയച്ച കത്തിനുള്ള മറുപടിയിലാണു റിസർവ് ബാങ്ക് നിലപാടു വ്യക്തമാക്കിയത്. ഇതോടെ, ഇന്ന് മുഖ്യമന്ത്രിയുടെയും കൃഷി മന്ത്രിയുടെയും സാന്നിധ്യത്തിൽ ചേരുന്ന എസ്എൽബിസി യോഗം നിർണായകമാകും.
മോറോട്ടറിയം നീട്ടണമെന്നാണ് തീരുമാനം എങ്കിൽ അതിന്റെ ഗുണം ലഭിക്കുന്നത് 1.25 ലക്ഷം പേർക്കായിരിക്കും.