കത്വവ കൊലപാതകം: ആറുപേര് കുറ്റക്കാർ, ശിക്ഷാ വിധി 2 മണിക്ക്
പഞ്ചാബ് : കത്വവയില് പെണ്കുട്ടിയെ കൂട്ടബലാല്സംഗം ചെയ്ത് കൊലപ്പെടുത്തിയ സംഭവത്തില് ഏഴില് ആറ് പ്രതികള് കുറ്റക്കാരെന്ന് പത്താന്കോട്ട് ജില്ലാ സെഷന്സ് കോടതി. ഗ്രാമത്തലവന് സാഞ്ജി റാം, അനന്ദ് ദത്ത, പര്വേഷ് കുമാര്, ദീപക് കജൂരിയ സുരേന്ദര് വര്മ , തിലക് രാജ് എന്നിവരെയാണ് കോടതി കുറ്റക്കാരെന്ന് കണ്ടെത്തിയത്.
നാല് പൊലീസ് ഉദ്യോഗസ്ഥരുള്പ്പെടെ എട്ട് പ്രതികളാണ് കേസിലുള്ളത്. ഇവരിൽ ഒരാൾ പ്രായപൂർത്തിയാകാത്ത ആളാണ്ആളാണ്. 2018 ജനുവരിയിലാണ് രാജ്യമെമ്പാടും വന് പ്രതിഷേധത്തിന് കാരണമായ സംഭവം നടന്നത്. സാഞ്ജി റാമിന്റെ മകനായ പ്രായപൂര്ത്തിയാകാത്ത വിശാലിനെ സംബന്ധിച്ച വിവരം ഇനിയും പുര്ണ്ണമായി പുറത്തുവന്നിട്ടില്ല.
ജമ്മു കശ്മീര് ക്രൈംബ്രാഞ്ചാണ് അന്വേഷണത്തില് വഴിത്തിരിവുണ്ടാക്കിയത്. കേസിന്റെ കുറ്റപത്രം കഠ്വ കോടതിയില് സമര്പ്പിക്കാന് ഒരു കൂട്ടം അഭിഭാഷകര് അനുവദിച്ചിരുന്നില്ല. ഇതേ തുടര്ന്ന് സുപ്രീം കോടതിയാണ് വിചാരണ പഠാന്കോട്ടിലെ അതിവേഗ കോടതിയിലേക്ക് മാറ്റിയത്. കോടതിയുത്തരവ് പ്രകാരം രഹസ്യ വിചാരണയാണ് നടന്നത്.