പാലയിലേത് കോൺഗ്രസ്സിന്റെ പരാജയം :ഡിവൈഎഫ്ഐ
പാലായിൽ തോറ്റത് കേരളാ കോൺഗ്രസ്സല്ല, കോൺഗ്രസാണ്. കോൺഗ്രസ്സ് നേതാക്കളാണ് പാലായിൽ തിരഞ്ഞെടുപ്പ് പ്രവർത്തനത്തിന് നേതൃത്വം കൊടുത്തത്. മുഖ്യമന്ത്രിയേയും സർക്കാരിനെയും കടന്നാക്രമി ക്കാനും വർഗീയത പ്രചരിപ്പിക്കാനും പ്രതിപക്ഷ നേതാവും മുൻ മുഖ്യമന്ത്രി ഉമ്മൻചാണ്ടിയും ഉൾപ്പെടെയുള്ളവർ നേതൃത്വം നൽകി. ആ വ്യാജ പ്രചാര ണങ്ങളെയാകെ പാലയിലെ പ്രബുദ്ധരായ വോട്ടർമാർ തള്ളിക്കളഞ്ഞു.
യുഡിഎഫിന്റെ കോട്ടയാണ് തകർന്നത്. കേരളത്തിൽ യുഡിഎഫ് ഏതു സാഹചര്യത്തിലും ജയിച്ച സീറ്റായിരുന്നു പാല. പാലായിലെ യുഡിഎഫിന്റെ തോൽവി വരാനിരിക്കുന്ന ഉപതെരഞ്ഞെ ടുപ്പുകളുടെ ഫലസൂചനയാണ്. പിണറായി സർക്കാർ നടപ്പിലാക്കുന്ന ജനക്ഷേമപരമായ പ്രവർത്തനങ്ങൾ അംഗീകരിക്കപ്പെട്ടു. വികസനോന്മുഖവും ജനകീയവുമായ നയമാണ് ഇടതുപക്ഷം നടപ്പാക്കുന്നത്. മുടങ്ങിക്കിടന്ന വികസന പദ്ധതികൾ വരെ ഏറ്റെടുത്ത് യഥാർഥ്യമാക്കിയ പിണറായി സർക്കാർ ഭാവി തലമുറയുടെ തൊഴിൽ സ്വാപ്നങ്ങൾക്കാണ് നിറം പകരുന്നത്. പാലായിലെ എല്ലാ വോട്ടർമാരെയും ഡിവൈഎഫ്ഐ അഭിവാദ്യം ചെയ്യുന്നു.