ധര്‍മജനെ ബാലുശ്ശേരിയില്‍ മത്സരിപ്പിക്കരുതെന്ന് മണ്ഡലം കമ്മിറ്റി
കോഴിക്കോട് | നടന്‍ ധര്‍മജന്‍ ബോള്‍ഗാട്ടിയെ ബാലുശ്ശേരി മണ്ഡലത്തില്‍ സ്ഥാനാര്‍ഥിയാക്കുന്നതിനെതിരെ കെ പി സി സി ക്ക് പരാതിയുമായി ബാലുശ്ശേരി യു ഡി എഫ് യോഗം. ധര്‍മജന്‍ സ്ഥാനാര്‍ഥിയായാല്‍ നടി ആക്രമിക്കപ്പെട്ട കേസ് എതിരാളികള്‍ ചര്‍ച്ചയാക്കുമെന്നും പരാതിയില്‍ ചൂണ്ടിക്കാട്ടുന്നു.
ബാലുശ്ശേരി പോലുള്ള ഒരു മണ്ഡലം പിടിച്ചെടുക്കണമെങ്കിലും രാഷ്ട്രീയ പരിചയമുള്ള ഒരാള്‍ വേണം. നടിയെ ആക്രമിച്ച കേസിലടക്കം യുഡിഎഫ് പ്രവര്‍ത്തകര്‍ക്ക് മറുപടി പറയേണ്ട ബാധ്യതയുണ്ടാക്കുമെന്നും പരാതിയില്‍ പറയുന്നു. നടന്‍ ദിലീപ് പ്രതിയായ നടിയെ ആക്രമിച്ച കേസില്‍ ധര്‍മജന്‍ ദിലീപിനെ ശക്തമായി പിന്തുണച്ചത് വിവാദമായിരുന്നു.
ബാലുശ്ശേരി കോ ഓപ്പറേറ്റീവ് കോളേജില്‍ ചേര്‍ന്ന യു ഡി എഫ് യോഗമാണ് ഐകകണ്‌ഠ്യേന ആവശ്യപ്പെട്ടത്. യോഗത്തില്‍ കെ പി സി സി അംഗങ്ങളടക്കം പങ്കെടുത്തിരുന്നു. സംവരണ മണ്ഡലമായ ബാലുശ്ശേരിയില്‍ വളരെ നേരത്തേ തന്നെ ഉയര്‍ന്നു കേള്‍ക്കുന്ന പേരാണ് ധര്‍മജന്‍ ബോള്‍ഗാട്ടിയുടെത്.
Related News
യു.ഡി.എഫ് കൊടുങ്കാറ്റുപോലെ തിരിച്ചുവരും: വി.ഡി സതീശന്
പിണറായി വിജയന് കര്ക്കശക്കാരനാണെങ്കിലും കാപട്യക്കാരനല്ല; ധര്മ്മജന് ബോള്ഗാട്ടി; ഇത്രയും അധികം വോട്ടുകള്ക്ക് തോല്ക്കുമെന്ന് സ്വപ്നത്തില് പോലും വിചാരിച്ചില്ല
കേരളത്തിലെ പരാജയം; ഹൈക്കമാന്ഡ് റിപ്പോര്ട്ട് തേടി
'രാജിക്ക് തയ്യാര്' ; മുല്ലപ്പള്ളി