കള്ളവോട്ട് : കാസർഗോഡ് റീപോളിംഗിന് സാധ്യത
കാസർഗോഡ് : കാസർഗോഡ് ലോക്സഭാ മണ്ഡലത്തിൽ കള്ളവോട്ട് കണ്ടെത്തിയ 4 ബൂത്തുകളിൽ ഈ ഞായറാഴ്ച റീപോളിംഗിന് സാധ്യത.ഇതേ സംബന്ധിച്ച് ഇന്ന് മുഖ്യ തെരെഞ്ഞെടുപ്പ് കമ്മീഷ്ണർ ടിക്കാറാം മീണ തീരുമാമെടുക്കും.വിഷയത്തില്‍ മുഖ്യതിരഞ്ഞെടുപ്പ് ഓഫീസര്‍ കേന്ദ്ര തിരഞ്ഞെടുപ്പ് കമ്മീഷനുമായി ആശയവിനിമയം നടത്തുകയാണ്. ഇതിനു ശേഷമാകും തീരുമാനം അറിയിക്കുക.
നടപടിയെ സ്വാഗതം ചെയ്ത കാസർഗോഡ് ലോക്സഭാ മണ്ഡലം യുഡിഎഫ് സ്ഥാനാർത്ഥി രാജ്‌മോഹൻ ഉണ്ണിത്താൻ പ്രതികരിച്ചു.കാസര്‍കോട് ലോക്സഭാ മണ്ഡലത്തില്‍ ഉള്‍പ്പെട്ട കല്യാശ്ശേരി നിയോജകമണ്ഡലത്തിലെ പിലാത്തറയിലെ ബൂത്ത് നമ്പര്‍ 19ൽ സിപിഐഎം കള്ള വോട്ട് ചെയ്യുന്ന ദൃശ്യങ്ങൾ ആദ്യം പുറത്ത്‌ വന്നിരുന്നു.
ഇതിന് പിന്നാലെ കല്യാശ്ശേരിയിലെ മാടായി ഭാഗത്തെ പുതിയങ്ങാടി മാപ്പിള ഹയര്‍ സെക്കന്‍ഡറി സ്‌കൂളിലെ ബൂത്ത് നമ്പർ 69,70 എന്നിവിടങ്ങളിൽ മുസ്ലിം ലീഗ് പ്രവർത്തകർ കള്ള വോട്ട് ചെയ്യുന്ന വീഡിയോയുമായി സിപിഐഎമ്മും രംഗത്ത് വന്നു.തെരെഞ്ഞെടുപ്പ് കമ്മീഷൻ കള്ള വോട്ട് നടന്നതായി സ്ഥിതീകരിക്കുകയും ചെയ്തു.തൃക്കരിപ്പൂരിലെ ബൂത്ത് നമ്പര്‍ 48ല്‍ സി പി എം പ്രവര്‍ത്തകന്‍ കള്ളവോട്ട് ചെയ്തതായി സ്ഥിരീകരിക്കപ്പെട്ടിരുന്നു. ഈ നാലിടങ്ങളിലും റീപോളിങ് നടന്നേക്കുമെന്നാണ് സൂചന.
Related News
'ഭാര്യയെ കൊന്ന് ആനന്ദ് ജീവനൊടുക്കി; മലയാളി കുടുംബത്തിന്റെ മരണത്തില് കൂടുതല് വെളിപ്പെടുത്തലുകളുമായി പൊലീസ്
ഹരിത കർമ്മസേന അംഗങ്ങൾക്ക് ഇലക്ട്രിക് ഓട്ടോ
കെ. സുധാകരന് തന്റെ മക്കളെ തട്ടിക്കൊണ്ടുപോകാന് പദ്ധതിയിട്ടു- പിണറായി വിജയന്
അതിദാരിദ്ര്യം ഒഴിവാക്കാനുള്ള സർക്കാർ നടപടിയെ പിന്തുണയ്ക്കുക; എ.വിജയരാഘവന്