ചെറുകിട റബർകർഷകഫെഡറേഷൻ കളക്ട്രേറ്റ് പടിക്കൽ പ്രതിഷേധകർഷക ധർണ്ണ നടത്തി.
കോട്ടയം: കേന്ദ്ര ഗവൺമെന്റ് എകപക്ഷീയമായി കൊണ്ട് വന്ന പുതിയ കാർഷിക നിയമങ്ങൾ പിൻവലിക്കുക,ഇന്ത്യൻ സമ്പദ് വ്യവസ്ഥയുടെ നട്ടെല്ലായ കർഷകരെ അവഗണിക്കുന്ന കേന്ദ്ര സർക്കാർ നയം തിരുത്തുക, കേന്ദ്ര സർക്കാർ ഏകപക്ഷീയമായി നടപ്പാക്കിയ കർഷക നിയമങ്ങൾ പിൻവലിക്കണമെന്നാവശ്യപ്പെട്ട് കർഷകർ നടത്തുന്ന കർഷക സമരം എത്രയും വേഗംഒത്ത് തീർപ്പാക്കുക, അടച്ചു പൂട്ടിയ റബർമാർക്കറ്റിംങ്ങ് സൊസൈറ്റികൾതുറന്ന് പ്രവർത്തിപ്പിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ട്ചെറുകിട റബർ കർഷക ഫെഡറേഷൻ സംസ്ഥാന വ്യാപക മായി നടത്തുന്ന പ്രതിഷേധ പരിപാടികളുടെ സംസ്ഥാന തല ഉത്ഘാടനം കോട്ടയം കളക്ട്രേറ്റിന് മുൻപിൽ പ്രതിഷേധ ധർണ്ണ ഉത്ഘാടനം ചെയ്തു കൊണ്ട് ചെറുകിട റബർ കർഷക ഫെഡറേഷൻ സംസ്ഥാന പ്രസിഡന്റ് സന്തോഷ് കുഴിവേലി നിർവ്വഹിച്ചു.
രാജ്യവ്യാപകമായി കർഷകർ നടത്തുന്ന സമരത്തിന് ചെറുകിട റബർ കർഷകഫെ ഡറേഷൻ ഐക്യദാർഡ്യം പ്രഖ്യാപിക്കുന്നതായിസംസ്ഥാന പ്രസിഡന്റ് സന്തോഷ് കുഴിവേലി അറിയിച്ചു. യോഗത്തിൽ താഹ പുതുശേരി, അദ്ധ്യക്ഷത വഹിച്ചു. മാർട്ടിൻ ജോസഫ്, വി ബി.വിനു, വി.കെ ഗോപി ,ജയിംസ് ജോസഫ്, വി.എം മാത്യു, മാത്യു രണ്ട് പ്ലാവിൽ, ജോമി ലൂക്കോസ്, തുടങ്ങിയവർ പ്രസംഗിച്ചു. ഫോട്ടോ ക്യാപ്ഷൻ: പുതിയ കാർഷിക നിയമങ്ങൾ പിൻവലിക്കണമെന്നാവശ്യപ്പെട്ട് ചെറുകിട റബർ കർഷക ഫെഡറേഷൻ സംസ്ഥാന വ്യാപകമായി നടത്തുന്ന പ്രതിഷേധ പരിപാടികളുടെ സംസ്ഥാന തല ഉത്ഘാടനം കോട്ടയം കളക്ടേറ്റിന് മുൻപിൽ സംസ്ഥാന പ്രസിഡന്റ് സന്തോഷ് കുഴിവേലി നിർവ്വഹിക്കുന്നു.