ജെഎന്‍യുവില്‍ വീണ്ടും വിദ്യാര്‍ഥി സംഘര്‍ഷം
ന്യൂഡല്‍ഹി: ഫീസ് വര്‍ധന ഉള്‍പ്പടെയുള്ള വിഷയങ്ങള്‍ ഉന്നയിച്ച്‌ ജെഎന്‍യുവില്‍ വിദ്യാര്‍ഥികള്‍ തുടങ്ങിയ സമരത്തില്‍ സംഘര്‍ഷം. സര്‍വകലാശാലയിലെ ബിരുദദാന ചടങ്ങിനെത്തിയ കേന്ദ്രമന്ത്രി ഉള്‍പ്പടെയുള്ളവരെ വിദ്യാര്‍ഥികള്‍ തടഞ്ഞുവച്ചു. മണിക്കൂറുകള്‍ നീണ്ട പരിശ്രമത്തിനൊടുവില്‍ കേന്ദ്രസേനയുടെ കൂടി സഹായം തേടി മന്ത്രിയെ ഒടുവില്‍ പോലീസ് പുറത്തെത്തിക്കുകയായിരുന്നു.
ആയിരത്തിലധികം വിദ്യാര്‍ഥികളാണ് രാവിലെ ജഐന്‍യുവിന് മുന്നില്‍ കേന്ദ്രമന്ത്രിയുടെ ചടങ്ങ് ബഹിഷ്കരിച്ച്‌ സമരം തുടങ്ങിയത്. വലിയ തോതില്‍ വിദ്യാര്‍ഥികളെ നേരിടാന്‍ പോലീസ് സന്നാഹം ഒരുക്കിയിരുന്നു. എന്നാല്‍ ബാരിക്കേഡുകള്‍ എല്ലാം സമരക്കാര്‍ തള്ളിമാറ്റിയതോടെ പോലീസ് ചെറിയ തോതില്‍ ലാത്തിവീശി. കൂടുതല്‍ ബാരിക്കേഡുകള്‍ സര്‍വകലാശാലയുടെ കവാടത്തിലേക്ക് എത്തിക്കാന്‍ ശ്രമിച്ചെങ്കിലും വിദ്യാര്‍ഥികള്‍ പോലീസ് വാഹനം തടഞ്ഞു.
വിദ്യാര്‍ഥികളെ പിരിച്ചുവിടാന്‍ ലാത്തിവീശിയ പോലീസ് പിന്നീട് ജലപീരങ്കിയും പ്രയോഗിച്ചു. നിരവധി വിദ്യാര്‍ഥികള്‍ക്ക് ലാത്തിയടിയേറ്റു. ചിലരെ പോലീസ് മര്‍ദ്ദിച്ചുവെന്നും ആരോപണമുണ്ട്. വൈസ് ചാന്‍സലറുമായി കൂടിക്കാഴ്ച നടത്താന്‍ സമയം കിട്ടാതെ പിരിഞ്ഞുപോകില്ലെന്നാണ് വിദ്യാര്‍ഥികളുടെ നിലപാട്. വിദ്യാര്‍ഥിനികള്‍ ഉള്‍പ്പടെയുള്ളവര്‍ സമരമുഖത്ത് അണിനിരന്നതോടെ പോലീസ് വിയര്‍ത്തു.
Related News
ഇസ്രായേല് എംബസിക്ക് സമീപം സ്ഫോടനം; വിമാനത്താവളങ്ങളില് ജാഗ്രതാ നിര്ദേശം
കര്ഷക സമരം; ഡിസംബര് മൂന്നിന് ചര്ച്ചയാവാമെന്ന് കേന്ദ്രം, പ്രക്ഷോഭകര്ക്ക് എല്ലാം സഹായവും നല്കുമെന്ന് ഡല്ഹി സര്ക്കാര്
ജാമിയയിൽ പോലീസ് നോക്കി നിൽക്കേ ജയ് ശ്രീറാം മുഴക്കി സമരക്കാർക്ക് നേരെ വെടിവയ്പ്പ്; അക്രമി രക്ഷപെട്ടു
നജീബിനെ കണ്ടെത്താനാകാത്തവരാണ് 3,000 ഗര്ഭനിരോധന ഉറകള് കണ്ടെത്തുന്നത്; കനയ്യകുമാര്