സ്വര്ണക്കടത്തില് സ്പീക്കര് ശ്രീരാമകൃഷ്ണനു നേരിട്ട് പങ്ക്; ആരോപിച്ച് സുരേന്ദ്രന്
തിരുവനന്തപുരം: തെരഞ്ഞെടുപ്പുദിനം നിയമസഭാ സ്പീക്കര് പി. ശ്രീരാമകൃഷ്ണനെതിരേ ഗുരുതര ആരോപണവുമായി ബിജെപി സംസ്ഥാന അധ്യക്ഷന് കെ. സുരേന്ദ്രന്. സ്വര്ണക്കടത്ത് കേസില് സ്പീക്കര് പി. ശ്രീരാമകൃഷ്ണനു നേരിട്ട് പങ്കുണ്ടെന്നാണ് സുരേന്ദ്രന്റെ ആരോപണം.
സ്പീക്കര് സ്വര്ണക്കടത്തിനെ സഹായിച്ചു. അദ്ദേഹത്തിന്റെ വിദേശയാത്രകള് ദുരൂഹമാണ്. മന്ത്രിമാരും സ്വര്ണക്കടത്തിനെ സഹായിച്ചിട്ടുണ്ട്. അധോലോക സംഘങ്ങളെ സഹായിക്കാന് നേതാക്കള് പദവികള് ദുരുപയോഗം ചെയ്തത് ഞെട്ടിക്കുന്നതാണെന്നും അദ്ദേഹം ആരോപിച്ചു. അഴിമതിയാണു തെരഞ്ഞെടുപ്പിലെ പ്രധാന ചര്ച്ചാ വിഷയം. പ്രതികളെക്കുറിച്ചുള്ള വിവരങ്ങള് മുദ്രവച്ച കവറില് കൈമാറുന്പോള് ഞെട്ടിക്കുന്ന വിവരങ്ങളെന്നു കോടതി പറയുന്നത് ആദ്യമായിട്ടാണെന്നും സുരേന്ദ്രന് പറഞ്ഞു.
പാലാരിവട്ടം പാലം കേസ് നല്ല രീതിയില് അന്വേഷിച്ചാല് കൂടുതല് മുസ്ലീം ലീഗ് നേതാക്കള് അകത്താവുമെന്നും ബിജെപി നേതാവ് അവകാശപ്പെട്ടു.